9 صور

طارق سعيد أحمد

الحوار المتمدن-العدد: 5403 - 2017 / 1 / 15 - 18:08
المحور: الادب والفن
    

وشك منحوت
علي صخرة
نصها غرقان
والنص التاني
جبل في صحرا
انت ليه؟!
وازاي ؟!
.........
امسك بإيدك
قلبك المستطيل
امشي برجليك في الطين
انت مش شجرة
صورة 1

بتعيش ع الحلم
مش فيه
وتمد ببصرك وتمد
تمد
لحد ما تجري
انت ليه بتحس
بالشوارع
والحيطان
والكراسي
والبيوت
اغسل وشك
دمك غرقني
فكرني بخدود وشفايف
معرفش دلوقتي لونها إيه

صورة 3

شايف التمثال منين
ولا انت مش همك
رتوشي
وسمكي
ومكاني
وسط الميادين الكتيرة
حرك عيونك
الساكتة
وكلمني بأي حروف
وما تسبنيش
يطوف جوايا صوت الصخر
ميدوزا
استوطنت ع الأرض
لمست عينيها
الحلم
الفكرة
ولون الورد



صورة 5
بقيت ممل
أكتر من شروق الشمس
ومن غروبها
ممل أكتر من زمن محبوس
في لوحة
أكتر من طعم لسانك
وعيونك دايما شايفة مربعات
بالأبيض والأسود
وانت كل اللي بتعرف تعمله
تاخد خطوة لقدام

#طارق_سعيد_أحمد (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات