النقد التاريخي (صلاح الدين الأيوبى وخزعبلات تاريخية)

أيمن غالى

الحوار المتمدن-العدد: 8364 - 2025 / 6 / 5 - 08:21
المحور: دراسات وابحاث في التاريخ والتراث واللغات
    

مش أي روايات أو أي كتابات لمؤرخين؛ نبلعها وإحنا ساكتين وضروري إخضاع الروايات لعدة أنواع من مفردات النقد (الظاهري والباطني) .. يعني نعقل الرواية ونوزنها بموازين العقل وبمفردات عصر وقوعها ..
تابعت حلقة مسجلة للروائى الدكتور يوسف زيدان عن صلاح الدين الأيوبي وإللى قال فيها إنه أحقر شخصيات التاريخ؛ معللاً كلامه بإتهام صلاح الدين بإفناء سلالة الفاطميين من خلال عزل ذكورهم عن إناثهم لعقود حتى فنوا .. وصلاح ده بقي كان من أقذر الناس وده أنا أعرفه من سنين طويلة قبل كلام زيدان عنه؛ ومفردات قذارته وجرائمه التاريخية واضحة وجليّة ويتجنب الكثيرون من الخوض فيها حفاظاً على صورته المزيفة -والتى إنتحلها حكام عرب عاصرناهم- أمام العامة ..
المهم؛ من كلام زيدان؛ إن حشد كبير من الرجال؛ قدّرهم المقريزي بـ 50,000 وقدرهم الذهبي بـ 200,000 وأكد علي الرواية إبن الأثير؛ راحوا يتظاهروا في ش المُعِزّ؛ فأحاط بهم صلاح وقام بذبحهم والقضاء عليهم عن بكرة ابيهم .. وراح علي الحيّ السَكني بتاعهم (حي المنصورة) وحرق النساء والأطفال ولم ينج أحد .. (لغاية هنا إنتهت الحكاية) ..
وزي ما قولت؛ مش أي كلام نبلعه بدون تفكير ..
شارع المعز إيه إللي ممكن يحتشد فيه 200,000 ؟!!! الشارع من أوله لآخره بحواريه وشوارعه الفرعية ما تحتملش إحتشاد 10,000-15,000
ثانيا لو إعتمدنا رواية الدهبي بإحتشاد 200,000؛ يبقي المتبقين بحي المنصورة (مكان سكنهم) من سيدات وأطفال وأكيد المرضي والمسنين من الرجال؛ عددهم أكتر من 200,000 ولن يقلوا عن 300,000 (200,000 إناث بالغات + الذكور والإناث الأطفال والمرضي والمسنين وذوي الإحتياجات الخاصة من الذكور) ..
يعني كده؛ حي المنصورة كان عددهم 500,000 نسمة .. إزاي الكلام ده يا عم الحاج ؟!
أنت عارف مصر كلها علي بعضها كان فيها كام مليون نسمة ؟ أقل من 4 مليون، وسكان القاهرة كان عددهم أقل من 250,000 نسمة ..
وبعدين أنهي حيّ ده إللي ممكن يسع نص مليون بني آدم ؟! البيوت وقتها كانت من طابق واحد؛ يعني لو قولنا كحد أدني إن الشخص يحتاج 2م مربع يسكن فيهم؛ يبقي كده نحتاج 1000,000م مربع (يعني حوالي 250 فدان)؛ غير مساحات الشوارع والخرابات .. دي القاهرة بمفرداتها وقتها كانت شبر في شبر ..
يعني الحدوته كلها طبيخ وطبيخ حمضان كمان ما تدخلش دماغ طفل صغير

#أيمن_غالى (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل