كل يوم يندبح واحد مننا

ضياءالدين محمود عبدالرحيم
مفكر وداعية اسلامي و اقتصادي، مطور نظم، مدرب دولي معتمد، وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 7576 - 2023 / 4 / 9 - 13:09
المحور: الادب والفن
    

مننا

مسك طباشيرة، وقلم سبورة

وكتب ورسم زينا

سافر راقب في امتحانات

لا طلب حوافز، ولا بدلات


حضر في دفتر وكراريسه صحح

تعب اجتهد وسهر

وعلم وخطط ورصد درجات


دخل احتياطي، وعلي ادواره أشرف

وأشرف ما مات


شال مدارس بزيها

يوماتي ليلاتي قدها

حافت رادم يبني في هيبات

يدبق، يحوش يقضيها جمعيات

وكتير كتير سلفيات


نزيه شريف، زي كل معلمين ارضنا

مهنة سامية، ميشتغلوهاش بهوات

ميشتغلهاش غير اللي زينا

مفيهاش فلوس، لكن فيها رضا ربنا

وده كل اللي يهمنا


بس رضا مات، ومخدناش عزاه كلنا

المرض هده وانحنى ضهره

شعره شاب، نظره ضعف

سكر وضغط، شرايين وقلب

رجليه فلقت وتعبت كليته


نام ع البلاط في كنترولات

وفي بلاد بعيدة ملاحظ

وساعات يصحح على ترابيزات


الناموس كل منه راقات

لدغ خدوده ونزل دمعته

على ناس مقدرتش قيمته ورسمته

وهيبته ومكانته وأهميته


بعد سنين طويلة تعب

وقال ياخد نفسه شوية

قبل ما ينول أخرته

وياخد معاش هزيل ميكفيش لقمته

غير كسوته، ووكسته


قال يريح على كرسي
من كراسي مديريته

مديرها، وكيلها، من عمومها

موجه عام، ناظر، وكيل

ادارجي والسلام يكمل مهمته
واليومين اللي فاضلينله في دنيته

مخدش نفسه، وحبوا يدوا الكرسي

لواحد مستريح، او مسنود، او مطيع


او تبع واحد من المفسدين

اللي بيكتب بقلم حساس

وبيحط كريم أساس

وايده وخدوده موردنين، مش مننا


من اللي بيلبس شفتشي

ويعرف كل اشي

قالوا يشيلوا عمنا

دبروله مكيدة شيطان


دخلوا حساباته

على افلام اباحي، وشيروها هنا وهنا

(ده العبيط ميعملش كده)


طب لما انتو فالحين كده

ما تشيلوا الاباحي

خالص من فضائنا السيبراني

طالبنا كتير تشيلوا الحقارة من مصرنا

هو انتو مش مصريين زينا


فلتر بسيط يعملهولكو

اي مدرس حاسب مننا

مديول بسيط

وصابع واحد من اعمامنا كلنا

يندب في عين اللي قعد وسطينا وغشنا


مسك تباشيرة وقلم سبورة

وكتب ورسم زينا

سافر وراقب في امتحانات

لا طلب حوافز ولا بدلات

أشرف ده سافر

أشرف ما مات

#ضياءالدين_محمود_عبدالرحيم (هاشتاغ)       Diaaeldin_Mahmoud_Abdel_Moaty_Abdel_Raheem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل