سناها طيف فاها

جعفر كمال
شاعر وقاص وناقد
(تôôèô‏ ؤôéôم)

الحوار المتمدن-العدد: 7310 - 2022 / 7 / 15 - 14:46
المحور: الادب والفن
    

كالتلي إلك جم دوب..
يراودنى مُناك العاشك احساسي
"ونه الزوجه..
والأولاد" حراسي
وأنتَ جايني وتريد تقطف من بساتيني حلم خافي
بس أمس التقينا والولع شو طاف
يا يمه ولج يمه...
كلت هذا الصديق الجاي، مدري بيا وضع هاليوم خلاني
يداري هوايْ، بعده وياي، بالزينات مو ناسي
وصرت من باجر وعكبه تفتح جنتي من لهفة أطيافي
والمهوى التريده ايصير إلك مصيون بشفافي
بحدائق واسعه اتطوف أنفاسك على أنفاسي
يل محد وصفه قبلك من بعيد يل قاسي
ترى ردتك صديق وبس؟
وأظن "البس" أشو وياك اتجافي
ترى روحي إلك تروي..
مشاعر ماشيه تحاجيه أنفاسي
ومن اسمك يجي طاريه بحروفي، أحس بالروح تود النوح
وتحط موجات تاخذني وتظمني بحضن مو جافي
ردتك بس تروي الروح، بس لا تروح، من درب المشيته وياك
ترى ذاك التريده الروح ظل مجروح
أهو صايم إلك، وبحبك ايماسي
اصبر والصبر ما شالته الأحكام
خل صبرك يجيني بوكت ايواسي
أنا النثية، أنا الطيره، أحط بحضنك الوافي
كلشي اللي توده ايصير..
مو بالعجل هيج تحط علي وتكطع أنفاسي
خلي العشك ينبت بالضلع فرحان ويواسي
وبذاك الوكت نتنطر الكمره
تجينه لو نجيه، نعانق اللحظات بالسهره
واتمناك أحس بحذاك اشبكك شبكة العطشان
وبعدني من تجيني يزيد عندي الشوك يتمناك
من شفتك كلت هذا الأريده يصير إلي سواح
ياخذني ويرد بيَّ
واكولن للدرب البعيد أزرع عيني إلك ناطور تتلكاك
أحبكْ..
نعم..
ولله أحبكْ..
حتى لو جفيت وكثرن همومي أظل أهواك
اتمنى بعودتك تشفي الملجوم حتى يعيد إلي ما يشتهي الآتي
المَّا شافتهَ عيناي من ذاك الزمان الراح
وكولن هاي دنياي الزغيره..
حصيره اتصير إلك واحساسك احساسي
كلشي وياك مرسوم بقدر، يحجي لذتي وياك
وجني من الزغر أهواك
واظنك راضي يالمحبوب بأوصافي
واسمك كاس تتراهن عليه الشفاف
أحبنه..
واخبرنه..
وكلله..
خليني أعيش وياك..
بكل ساعه رضاب ترضع شفافي
أخذ مني حلاتي وسلوة الماسي
ترى الصوره إلك تحجي ظروفي وعسرة الأيام
خله اتصير إلي فرصه
بس كلبك استعجل لهفته وياي
أنا ارضاه يرد الروح، خله يعاشر المجروح
بس رمزك يداري نشوة الملجوم وأنتَ أتصير إلي وبس
وكولن آنه إلك ترفه
وأنتَ رغبتك وياي تتمشه
أخذ مني حلاتي وريحتي لحذاك ورضعه من شفه على شفه
أحبك وآنه إلك كلشي
إلك كلشي

#جعفر_كمال (هاشتاغ)       تôôèô‏_ؤôéôم#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات