حيدر حسين سويري
الحوار المتمدن-العدد: 5214 - 2016 / 7 / 5 - 17:48
المحور:
الادب والفن
"والله اليوم محتاجك"
حيدر حسين سويري
..................................................
يا جمرة حزن، يجوي تره غيابك
والله اليوم محتاجك
إجاني العيد ، وإنته بعيد
شكَل للضيف من يآتي ويدكـَ بابك
والله اليوم محتاجك
يا فرحة زغير، ويا ونسة جبير
يا مزنة فرح حجيك مع أحبابك
والله اليوم محتاجك
أريد أتمتع بشوفك
وأريد أغفى على جفوفك
إنكسر ظهري يـ(بويه) والله بمصابك
والله اليوم محتاجك
مشتاكـَ وكثر وني
عليك وما بطل حزني
أشمن ريحتك واتوسد ترابك
والله اليوم محتاجك
محتاجك دليل بليل
يالحجيك وزن تعديل
يالمسكت الزلم لو كشرت نابك
والله اليوم محتاجك
ما أنساك لا للموت
وكَبل لا أصعد بتابوت
أوصيهم يوسدوني مع ترابك
..........................4/7/2016
#حيدر_حسين_سويري (هاشتاغ)
كيف تدعم-ين الحوار المتمدن واليسار والعلمانية
على الانترنت؟