وياهم وياهم عليهم عليهم

محسن لفته الجنابي
كاتب عراقي مستقل
(Mohsen Aljanaby)

الحوار المتمدن-العدد: 4998 - 2015 / 11 / 27 - 01:31
المحور: كتابات ساخرة
    

كان عندي زميل بالجامعة أيام الثمانيات أسمه (روسمان) محل الولادة مالته بموسكو لأن أبوه (ثائر) كان يدرس بروسيا أيام الأتحاد السوفيتي وتزوج من (نص أخمص روسيّة) كانت طالبه ويّاه ( حبلت وجابت صديقي أعلاه) وراها حبل ثائر بجنين الـ(هوم سك) وجابها للعراق
روسمان فد واحد شقندحي وماينحط بالعب و يودّيك للشط ويرجعك عطشان
فدائما نحاول نشاكسه ونغلبه بما تيسّر من الهنبله والكلاوات
مالگيت بس شغله وحده غلبته بيها
وهي أنه مولود بموسكو وبما ان الحكومة العراقية الجليلة إعتادت على أن توّزع الأراضي السكنية للمواطنين حسب مسقط الرأس وهذا القرار صار عُرف مستمر لكل الحكومات ، صرت آني أبو الراهي وأشوف نفسي أحسن منّه لأن راح أحصّل وصلة گاع بالنباعي لو بالمحاويل لو بشثاثة وأصير ملّاچ بينما (أبو الروس) وكان هذا لقبه راح يتمرمر ويشبع مراجعات وآخرها ينكفخ ويطردوه ويضطر ياخذ معاملته لخواله بموسكو وهناك أحتمال ينطوه وصلة گاع (طابو زراعي بسيبيريا اللي مايعيش بيها الچلب) أو ماينطوه بأعتباره أجنبي لأن سوالفهم تشبه سوالف العراق , أما إذا حصّل واسطه من الكرملين , يكون أكو أمل ينطوه (ميت متر مليانه سكاره وآرتستات بلينين غراد) .. المهم لو تطلع نخله براسه مراح يحلم يشوف گاع بالعراق ، صديقي كان ينقهر ويضوج من هاي السالفه ولذلك يحاول يسوّي هجوم مقابل حتى يحرق قلبي ويگول :
روسيا وين وأنتم وين ، ترحون فدوه لبطل الفودكا ، خايبين ما أريد منكم لو تنطوني نص العراق
مرت سنين وراحت أيام وإذا بليلة ويوم :
نص الشعب العراقي إنگلب روسمان !
خايبين شمالكم تسودنتوا , شعدكم تردحون ليل نهار ,أشگال بوتين وأشحچت روسيا , تره شمهودة عراقية وأحميده أم اللبن من بغداد , وجناسيكم ومساقط روسكم كلها تقرا عراق وهذا دليل قطعي أبد ماعدنا تمّلق ونفاق

#محسن_لفته_الجنابي (هاشتاغ)       Mohsen_Aljanaby#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل