مقال اب كوميدي 5

جان نصار

الحوار المتمدن-العدد: 4909 - 2015 / 8 / 28 - 12:26
المحور: كتابات ساخرة
    

بقولك اشتكت احدى الدبلوماسيات الاجنبيه العامله في الاردن احد الموطفين البارزين في الاردنين انه تحرش بها ووصلت الشكوى لاعلى المستويات وراح تؤدي الى استقالة المسؤول والموظف الباز اللي على ما يظهر مش بس بارز بوظيفته في كمان شي بارز بين اجريه دفعتو للتحرش.
سؤالي هون: يعني ضروري ان مسؤلينا يتحرشوا بالاجانب ما بكفي التحرش المحلي ارخص وتشجيع للتحرشات الوطنيه اللي فيها انتماء وعلى الاقل بنت البلد مش راح تتشكى عليك خوفا من الفضايح,و ممكن تهديدها ولم وطبطبة الطابق او تروح القصه ببوسة لحي , ومالو التحرش البلدي ضروري تحرش اجنبي مزارع.
مع ذلك كل الاحترام للمسؤول البارز الاردني رفعت راسنا وبالفعل كنت سفير لبلدك بس هالملعوني الاجنبيه فهمتك غلط وتسرعت واحتجت لبلدها ووجهتلنا رساله مش كل الطير بيتاكل لحمه . والمرأه بالغرب اشجع من نسوانا.لان الرجال والنسوان يطبق عليهم نفس القوانين والتحرش جريمه يعاقب عليها القانون.
بيناتنا يا اخونا المسؤول: حلوى وبستاهل بهدله والا التحرش صار من تراثنا.
بعدنا بالاردن السفير العراقي يصرح ان التحرش لا دين له(مثل الارهاب لا دين له والقتل على خلفية الشرف لا دين له,والسرقه والفساد لا دين لهم حتى الدين نفسه لا دين له) موجود في كل المجتمعات والشباب طايش وهدول الخمسه او اكثر من شبابنا او بالاحرى الجنود اللي بدربوا بالاردن سقطوا بهفوه والشيطان شاطر وتحرشوا بشابه وبعدها ضربوا شرطي وصارت طوشه وهزعه ما الها لازمه اليوم ببوسه لحيه وتطيب خاطر وبعطوه اخويه مع حقيبه دبلوماسيه فيها شوية اوراق ماليه منحل القضيه لاننا جماعه محليه.
طبعا تدخل الوجهاء وشيوخ العشائرالاردنيه الشيخ وهدان والشيخ عطوان والشيخ طرشان والشيخ خرسان والشيخ عميان والشيخ مش هان والشيخ مانو دريان وحلت القضيه يا ابو الحبان بعد ما ظهر الحق وبان وتعانق الخلان ورجع الاستقرار والهدؤ الى شوارع عمان ولا كانو شي صار او كان.
طالب اردني تخرج بدرجه باكالوريوس من احدى الجامعات الخاصه وفي حفل التخريج اخونا من الارتباك ورهبة الحفل قرب على احد اساتذته وبدل ما يقبله ويشكره ويتذكر بيت الشعر اللي بقول
قم للمعلم وفيه التبجيلا.....كاد المعلم ان يكون رسولا
قام بصق وتف على معلمه من فرط الاعجاب والشكر.
في مطالبات بتطالب بسحب البكالوريس من الطالب وانا شخصيا ضد .ليش ؟
لانها كلها تفه واهانه واذلال وقلة حياه وتقليل قيمه للحضور والجامعه وللبلد كل هاي الاسأت مش محرزي والمسامح كريم وممكن توجيه توبيخ خفيف للشب مشان ما نجرح شعوره وما يتعئدش.
احنا متعودين على سحب السلاح والطخطخه بس تفه بتروح مع الغسيل(برسيل او تيد اقوي مساحيق الغسيل) وعطوة مجموعة الشيخ عطوان وعلان وبقية الفرقه الموسيقيه وبتنحل القضيه مع طبايخ شعبيه مناسف وحلويات نابلسيه وقهوه عربيه اصليه بدويه اردنيه باختصار صلحه عشائريه .
الشيخ السلفي اسامه القوصي بقول ان الموسيقى حلال اذا كانت ملتزمه وهو شخصيا من المعجبين بمحمد حماقي واغنية ما بلاش للاخ حماقي خلتو (جعلته) يذرف الدموع اول مره سمعها منه لانه ابنه للشيخ هو الذي ارسلها له بعد خلافه مع زوجته(للابن) وشيخنا كمان بروح للاوبرا وبصرح وبيقول انا سلفي مش متشدد.
معليش سؤال هيفاء وهبي واغنية بوس الواو للاطفال حلال والا حرام.
الشيخ القرضاوي يفتي ان الاغاني الهادفه والملتزمه والكلمات الرزينه كمان ممكن سماعها شرط ان لا تعطلك عن اداء الصلوات في مواعيدها.
لكن المرحعيات الدينيه تقول كل شيئ تحت مسمى المعازيف حرام حرام.
حرام عليكي فينا متل الورق طيرتينا.
انا مش فاهم العالم مشغول باخترعات لتقدم البشريه والاعجازات الطبيه. بفكروا كيف الاعمى يفتح والاخرس يحكي والاطرش يسمع والمكرسح يمشي وادويه للقضاء على الامراض وجماعتنا لسه بفكروا كيف يدخلوا الحمام بالرجل اليمين والا الشمال واذا كان موظف موجود مع زميلته في الشغل ينتبهوا وين قاعد الشيطان.وقوائم المنوعات والمسموحات والمحرمات والمحلالات.
طلعت ريحتكم
اخوتنا في لبنان ولعت معهم وبصراحه معهم حق بقولك طز بلد بدون رئيس وماشي الحال والمناكفات والمشحنات بين الاحزاب والاطرف كمان شغال والبلد والسفينه ما فيها قبطان عال العال والمواطن بقول عندي سؤال طلعة الروايح وما في زبال لا امتى بدنا نضل على هالموال .
والشعوب صارات عندها مطالب وشعارات ضجر وتأفوف ويأس.
شعارات بسيطه بتعبر عن الغضب والاحتجاج
طلعة ريحتكم... بدنا نحاسب...ارحل...كفايه.. حلو عنا..بكفي ظلم..شوية حريه...بكفي فساد...نهبتوا البلد.الشعب جوعان..وبعدين معاكوا..ووين اخرتها..افرقونا برحه طيبه...
بصراحه انا ككاتب ومواطن عربي شعوري بالانتماء لهاي الشعوب العربيه اشي فاخر على الاخر ومش قادر اعبر عن فرحتى وسعادتي بهذا الانتماء المشرشح والمبهدل .
الفساد والنهب عند الحكومه العراقيه بالملاين وانا مش فاهم على اخوتنا العراقين ليش زعلانين .المسؤلين عم بسرقوا من البلد وعلى شوية انقطاع كهربه وماء وبطاله وارهاب وقتل وتسيب وفوضى وعجز مالي والشعب بشحد ضروري هاي الاحتجاجات
يا جماعه الاصلاحات جاي على الطريق والصبر مفتاح الفرج والحكومه ما عليها حرج.
صحافيان فرنسيان يهددون الملك المغربي بفضحه ونشر غسيلو الناصع البياض ويحاولون ابتزازه ومحاكم وقضايا وتدخل الحكومه الفرنسيه بالموضع يا ترى شو سيدنا وتاج راسنا عامل تنو خايف من اللي يقولو بقلبهم الصحافيان احسن ما يزعل ونتعاب وياهم.(على نسق اغنية عبد الوهاب:خايف اقوا اللي بقلبي تزعل ونتعب وياك).
اكيد في فضايح بترفع الراس وبتشرف.
مش مهم طالما انو سيدنا الملك بخير وملياراته موجوده بالبنوك السويسريه وهو والفميليا بالف خير على سلامتو الشعب المغربي جوعان طفران عاطل عن العمل مش مهم المهم الراس الكبير يكون بخير.
الملك السعودي بعد ما قطع زيارته وعطلته في فرنسا نتيجة الاحتجاجات من الفرنسين حبينا ولا همو استمر بالعطله بالمغرب مع انو بلاده بحرب دمويه شرسه مع اليمن وسعودين ويمنين ان كانوا سنين او حوثين نازلين يموتوا واحد ورا التاني واخونا بستجم وما في شيئ زاعجو وبرميل النفط صار يا بلاش بس باربعين دولار واذا بقيت الحاله على هالوضع راح يصير بعشرين ريال مش دولار.
في عنا مثل زفر بس انا لاني اديب راح افصحه يعني اقوله بالفصحه مش بالعاميه
اللي بشاكس مؤخرته بعملها على حالو
يعني زيادة ضخ البترول بالاسواق منذ عامين بدئه السعودين نكاية بروسيا وايران
وعلى نفسها جنت براقيش.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل