هاي حقوق انسان يا سيدي الفهمان

جان نصار

الحوار المتمدن-العدد: 4897 - 2015 / 8 / 15 - 13:00
المحور: كتابات ساخرة
    

في موضوع حقوق الانسان احنا العربان لسه بدنا فت خبز كتير كمان لنوصل لبر الامان, وكانه الموضوع منيه واحسان مش استحقاق لازم نحصل عليه بالمجان .
بقولك انو مجلس الامن راح ينعقد بتاريخ 24 -8 من هذا العام يعني بعد ايام لمناقشة تجاوزات واعتداءت تنظيم داعش على المثليين.
الله يصبحكم بانوار النبي يعني كل هالقتل والسحل والدبح والحرق والاغتصاب والسبي والارهاب طوال السنتين على الاقليات المسيحيه والازيديه وعلى سكان المناطق اللي حرقين دمهم من اكراد وشيعه وحتى سنيين, ونسوان ورجال واطفال وشيوخ ومدنين وعسكرين وامنين ومساكين واثار ودمار ونهب وسلب لكل ما طالته ايادهم للدواعش ما تحرك مجلس الامن الا هالايام مش حقوق المثليين.
ما حدا يفكر اني ضد المثلين بل بالعكس بتمنالهم كل خير والله يعطهم العافيه وكل انسان حر بتصرفاته بس اللي مش خارط بمخي انو كل هالدمار والارهاب والقتل لالاف الابرياء ما حرك مجلس الامن مشان حقوق كل هدول اللي راحوا واليوم جاين يقولولنا حقوق المثليين كتيري هاي وصعبه ومش مفهومه الا اذا كان رئيس مجلس هيئة الامم هومو ومثلي وفي اكم لاعب بالمجلس كمان مثليين.
ملحوظه لمجلس الامن والعفو منكم قديش عدد المثثلين اللي بطالبوا بحقوقهم مقارنه مع الاف الضحايا اللي مش مثليين. وحلمكم علي شوي, والمثليين هدول حقوقهم اهم من حقوق كل خلايق ربنا اللي ارتحمو على ايدين الدواعش.
فمثلا داعش اسرت اكثر من 7350 ازيديه ولازالو بايدهم اكثر من 3120 اسيره يغتصبو ويباعو وتنتهك كرامتهم يوميا وما سمعنا ان مجلس الامن انعقد منشان هدول.
في اسيره امريكيه اغتصبت مرات ومرات على ايد ابو بكر البغدادي نفسه وكل النساء اللي اغتصبوا يا ترى راح يجي يوم وتجتمعوا يا مجلس الامن مشانهم.
دخلكم شو تمخض ونتج عن كل اجتماعاتكم وولوين وصلتو يا ترى.
بعدنا بحقوق الانسان بس واحنا راجعين من امريكا قولنا مش غلط نشوف الوضع بانكلترا.
الحكومه هناك قلقانه ومتلبكي مشان امام يمني من جماعة ابن لادن منتمي للقاعده ومش حابين يذكرو اسمه حفاظ على سلامته وحقوقه.
طب يا جماعه هادا الامام نازل فيكم نجر وشتم وتحريض وتهديد ووعيد لكل الغرب الكافر وانتو منهم .ومؤيد لداعش واذا صحيلو راح يقعدكم كلكم على الخازوق ومع هيك مشان حقوق الانسان وللحفاظ على سلامة قلبه من الاه مش راضين ترجعوه على اليمن مع العلم انه مش مواطن انكليزي ومش حاصل على الجنسيه .
شو قاعدين بتستنو انا مش فاهم,بدكم يموت اكم الف من تحريضه وتعاليمه وتشدده مشان تحافظوا على قوانين حقوق الانسان .المشكله مش بس هيك بقولك الحكومه البريطانيه عندها 28 متشدد ومحرض ارهابي من هالنوع وبتتعامل معهم جنتلي بحنان. والخمس سنين الجايات راح ينصرف ملاين البوندات والجنيهات مشان محاربة التطرف.
ابقو سلمولي على لجان حقوق الانسان سلام خاص من اخوكم جان.
منعرج على مصر وهناك اظن حقوق الانسان من كتير زمان زمان ما الها محل من الاعراب ولا مكان.
رغم اني مش من محبي الاخوان بس بضل انسان.في الاسبوعين التلاته الاخيره مات 3 او 4 من قيادات الاخوان تحت التعذيب في السجون وقال ايش هبوط بالدوره الدمويه او جلطه قلبيه او سكته دماعيه.
يعني الخلافات السياسيه لا تعني انو في السجون تمارس التصفيات الجسديه .
الله وكيلكم بس الواحد يوصل للوطن العربي هاي حقوق الانسان ما الها مكان.
في المحادثات الاخيره قبل ايام بين وزير خارجية المانيا ووزير خارجية السعوديه الجبير طلب الوزير الالماني من نظيره السعودي اطلاق سراح المدون السعودي رائف بدوي من السجون السعوديه فرد عليه الجبير انو وزارة العدل والقضاء السعودي هم الادرى و الاعلم واللي اتخدو القرار الصائب في هذا الموضوع وانو على الوزير الالماني ان يلتزم حدوده.
طبعا الوزير الالماني التزم حدوده وفي مصالح اهم بين البلدين من ستين الف رائف.
مع احترامي الك يا وزير خارجية المانيا قبل شهور علقت بين السعوديه والسويد طوشه الها اول ما الها اخر لما وزيرة خارجية السويد فسخت بنياعها وتحدثت عن الحريات وحقوق الانسان بالسعوديه وصلت لقطع العلاقات فليش حضرتك ما اتعظت وتعلمت.يعني انتو يا دوبلوماسين الغرب بتحطو نفسيكم بمواقف بيخااااااااااااااااه
للعلم انا كتبت اكثر من مره عن رائف بدوي وخطئه الوحيد انو انتقد هيئة شمر والحق الامر بالمعروف والنهي عن المنكر وادئها .ومن ساعتها المسكين شاف نجوم الظهر من جلد وضرب وحكم بالسجن 10 سنوات.
اي قارئ ممكن يكتب على الغوغل اسم رائف بدوي وبحصل على المعلومات.
كاتب سعودي قال انو الحكم يكون دستوري ملكي قبل ايام استضافوه ببيت خالته(السجن) بغرفه خمس نجوم وسنوافيكم باخباره خلال سنه انشاءالله.
بصراحه مواضيع حقوق الانسان والحريات باوطننا بسبب سؤ الاوضاع خارجه من نطاق الخدمه ومفش تغطيه ولا يوجد متلقي لمثل هاي الافكار الرجاء معاودة الاتصال بعد 200 سنه لربما يكون هناك من يجيب على اتصالاتكم واسفساراتكم بهذه المواضيع التافهه.

#جان_نصار (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل