كالت وهاي الدجاجهْ

عبد الله السكوتي

الحوار المتمدن-العدد: 4804 - 2015 / 5 / 12 - 12:12
المحور: مواضيع وابحاث سياسية
    

بمناسبة استيراد الدجاج البياض من ايران للنازحين
كالت وهاي الدجاجهْ
عبد الله السكوتي
كالت وهاي الدجاجهْ... بيضت بيضة السادهْ
اشلون جبتوها يعيني
فارسي تحجي وصيني
اشوف بيضتها تجيني
نازح وتارك العادهْ
كالت وهاي الدجاجه... بيضت بيضة السادهْ
×××
اشلون بلّه ابهالقضيهْ
ابهالدجاجه الصفويهْ
تاكل وتشرب اميّهْ
وبيضها ايزيد العبادهْ
كالت وهاي الدجاجهْ.... بيضت بيضة السادهْ
×××
اكلوا عمي بيض عجمي
اتكوم من تاكلها ترمي
تركض الداعش وتحمي
اترجّع ادليم السيادهْ
كالت وهاي الدجاجه.... بيضت بيضة السادهْ
×××
الهالدجاجه اشلون لِيّهْ
اشلون تتكلب عَليّهْ
فارسي وعندك النيّهْ
من الفرس جابت شهادهْ
كالت وهاي الدجاجهْ.... بيضت بيضة السادهْ
×××
آخ لو عدنه الج ديجْ
جان غمض من يجيجْ
من القهر صاحوا عليجْ
بالانبار الها القيادهْ
كالت وهاي الدجاجهْ... بيضتْ بيضة السادهْ
×××
بالدجاج انواع تلكهْ
قطري ايزفّر المركهْ
والعراقي من تحركهْ
ابد ماتلحك عيادهْ
كالت وهاي الدجاجهْ... بيضت بيضة السادهْ
×××
ايجهْ بيضتها جبيرهْ
تصلح الكل العشيرهْ
البو فهد تاكل وتشبع... وتنطي للسوده الزيادهْ
كالت وهاي الدجاجهْ.... بيضت بيضة السادهْ
×××
آخ لو الزمها بيدي
مسلم وصبي ويزيدي
ناكل ونقهر العاذل.... ونطلب امن الله العبادهْ
كالت وهاي الدجاجهْ ... بيضت بيضة السادهْ
×××
اليوم معزومين كلكم
عدنه بيضه ابكبر حظكم
تاكلون اويه حرمكم
والزرع ياكل جرادهْ
كالت وهاي الدجاجهْ .... بيضت بيضة السادهْ
×××
اشلون مبروكه هالبيضهْ
اشكد دجاجتكم عريضهْ
تكاكي من الصبح تكعدْ
تملك ابهاي الارادهْ
كالت وهاي الدجاجهْ... بيضت بيضة السادهْ

#عبد_الله_السكوتي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل