هزني الوكت بحبالهْ

عبد الله السكوتي

الحوار المتمدن-العدد: 4796 - 2015 / 5 / 4 - 14:10
المحور: مواضيع وابحاث سياسية
    

هزني الوكت بحباله
عبد الله السكوتي
هزني الوكت بحباله.... وسواني خي مرجوحهْ
الحك ولك شوف الحال
لاصحه ظلت لامال
حطيت روحي ابمحجال
والبخت عود انلوحهْ
هزني الوكت بحباله.... وسواني خي مرجوحهْ
×××
ابيا شهر عود ابيا سنهْ
نلكه الوفه ونلكه الهنهْ
دنياك خويه امسودنهْ
وعالي العنب منلوحهْ
هزني الوكت بحباله.... وسواني خي مرجوحهْ
×××
مرجوحه صرت آنه اوياهْ
نوبه يهز واتلكاهْ
امن الدهر تعبت يمناهْ
ذبني اعلا ابن صبّوحهْ
هزني الوكت بحباله وسواني خي مرجوحهْ
×××
بطلت ما اكتب بعد
بالمحل اكعد يم سعدْ
هانزل سوكك هاصعد
وماصحّت البحبوحهْ
هزني الوكت بحباله... وسواني خي مرجوحهْ
×××
اتكلي زمانك خي نفهْ
يكولون عود انته النبهْ
كلّي لوين انطي الوجهْ
للجبل لو لسفوحهْ
هزني الوكت بحباله... وسواني خي مرجوحهْ
×××
ظليت صافن ياناس
آنه ارد احشم العباس
يصفيها كون امن الساس
يسوينه مثل الدوحهْ
هزني الوكت بحباله.... وسواني خيم رجوحهْ
×××
معصوم راح لانقرهْ
والشعب خل ياكل خ... هْ
فلوسك يخايب تذكرهْ
صارت لابن دردوحهْ
هزني الوكت بحباله... وسواني خي مرجوحهْ
×××
كلت التقي ويه الكتابْ
ماظل على الروح اعتابْ
مجتمع فاشل جذّابْ
زبالة وكت مطروحهْ
هزني الوكت بحبالهْ.... وسواني خي مرجوحهْ

#عبد_الله_السكوتي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل