منو أنتِ

جعفر كمال
شاعر وقاص وناقد
(تôôèô‏ ؤôéôم)

الحوار المتمدن-العدد: 4578 - 2014 / 9 / 18 - 07:40
المحور: الادب والفن
    

منو أنتِ ، منو أنتِ
أجيتِ مغيره عمري
دفو أنتِ
شحلاة الحجي من يباسم الشفه
وشغلاة العين بس تغمز رموش..
تفزز لوعة التنهيده على الرجفه
ياطعم التين، طعمهَ أنتِ
حلمتْ بغير دنيا وجني موش آنه
وحسبت أنتِ حلم ويحاجي دنيانه
يا ريت الحلم ينباع..
جنت اشتري كل أحلام عمرك تحلم ويانه
منو أنتِ
تندت مَيَّةْ الجوري، شِفِتَهَ سارحه وتتلامع بخده
تغار عليج لو منج
خيوط الشمس من تشوف نثيَّه عايشه بوحده
دلع يَمْحَيْره ظنوني..
صوتج عندليب يشتت السكته
شنو أنتِ
لمع حاير على الوجنات
وجهك لوعة المفطوم، يشاكي وحدته وسهده
جس وشوف، شكد ملهوف، عيني تطوف تترجاج..
ويظل عكبج..
نسيم الكلب تايه يسأل الشِدَّه
وين بيا درب وبيا وطن أنتِ
وأظننهه..
ترفه لمسة الحلمه نبع لِسْهَ
ما شافت حريق وجمرة اللثمه
ثلث شبكات
خليني اشبكك يا ترف يا مولع الجبده
*شبكه- تشم شعر وتمازح الوجنات
وسبع قرون شفه ترضع بشفه
*وشبكه- علَ الخصر تلجي ولا تحجي
بس تهيم بوداد العزيزه النايمه بسده
تداري ضيْ عشكه المشتعل بوداد من وده
*وشبكه- ويَ النواح تريد ملمومه بحضن ماينطفي
الحاير بعلته
منو يا مْدَلَّلَ أنتِ
لو تدرين
الصبابا الحور يتمنن اجيهن وأسرد العده
وأسوح على النهد ساعات
وما يشبع نهده الظوك خمره المختمر شهده
مثل النحل طول العمر أرضع حلمة الورده
شتكولين وتظنين
تعالي وشوفي لوعاتي
تشيب الراس طبايع شاكيه بسكته
تتشابك عَلَيهَ عيون الحديثات
آهة تصيح ما أشبع
وآهه تكول خلوني بحضن يقدح
وصرخه تهَيج الآهات، طبعه ناشده الونسه
منو يامولعه يا مفرفحه أنتِ
ليش شعجب ليش أنتِ
منو أنتِ؟

#جعفر_كمال (هاشتاغ)       تôôèô‏_ؤôéôم#          

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات