مثل الغيمة من ترعد - شعر شعبي

ابراهيم الخزعلي
(Ibrahim Al khazaly)

الحوار المتمدن-العدد: 4490 - 2014 / 6 / 22 - 15:43
المحور: الادب والفن
    

مثل الغيمة من ترعد

من يوم اللي فاركَناك

حفرنا نهر فوكَ الخد

تون الروح تالي الليل

لاهي تكَوم لا تكعد

اكَلها صبري يمعوده

تكَول الصبر كَول شكَد

حكَها الروح يحبيب

من الامها تشتد

انته اعله الجروح ضماد

وحنه باسمك انردد

قريب او اقرب امن الروح

حته لو صرت تبعد

ذاك انته عزيز الروح

لاني ابحجي اتودد ولا اقصد

نثرنا اجروحنا بدربك

عساها لغيرنا تورد

مو كلمن دخل خلسه

بظلام الليل يتلبد


وبوجه البشع ضنه

منه الناس تتردد

وسلاحه الذبح والموت

وبهاي او ذيج يتهدد

او مو كلمن زرع برضك

نيته ايتاجر او يحصد

ولا كلمن يعد انجوم

يحصيها ويكَول اشكَد

ولا كلمن زرع يحصد

ولا كلمن نذر دنياه
لجلك غايته ايفرهد

طبع الفاكَد احبابه

دموعه تجري ماتركد

او دمعنا اعليج يالموصل

يجري او للسمه يصعد

دمنه يغلي بالشريان يحبيبه

او ما ضنه بعد يبرد

كلنه اعله العده وياج يحبيبه

مثل الغيمه من ترعد

من البصرة من ذي قار

من الكوت من الحي

من ميسان من النجف

من الفاو ولزاخو

هذا اعراكَنه اموحد


كلنه ابدربج احنه اجنود يحبيبه

كلنه ابدربك احنه اجنود يعراكَ

لا تنحصي ولا تنعد

مشاعل احنه مرفوعين

رغم الريح ، رغم المطر

لاتنطفي ولا تخمد

اجيناك ابعزم وصرار

اجينه ولا بعدها انرد

صحيح الطاغيه ابعدنا

او عنك رادنا نبعد

سنين تطوال ماشفناك

يا نبض القلب الود

تشردنا بهواك سنين

او تقبلنا العذاب بود

صحيح ابدانه ابعيده

عنك والبعد يشهد

صحيح انته هذاك اللي
ويه ذياب تتلاوى ابعزم وازود

انته تواجه العدوان والارهاب

من الخاين الغدار

ومن الجار والابعد

معروفه الاجانب عدها بينا اطماع

بس ليش العرب تحشد؟

كلها اتلملمت بحقاد

قصدها اتخرب او تفسد

واحنه بغربه منفيين

تدري الغربه ليل اسود

يالخيمه جنت للناس يعراق

للجايع او للضايع او لليقصد

هاذي شيمة العربان

ترد الشر جزاء الود؟

ياحيف او الف ياحيف

غدركم وصل هذا الحد
بعثي او جاحش اتفقو

يكَولون احنه نقيم الحد

لوطو او ساقط اجتمعوا

اهنا وهناك تتلبد

لا غيره وشرف عدهم

كل تاريخهم اسود

يزنون بصبايا الناس

جرايم وسخه ما تنعد

يلبسون اللحايا سخام

او سيماء الغدر اسود

ينبح صوتهم بالدين

او مدري لياصنم تعبد

لكن ياحبيب الروح يعراق

تبقى انته ضواها العين

بلاك العين متوجد

وحق اسمك بلاك العين
ابد والله متوجد

ابد والله متوجد


الدكتور ابراهيم الخزعلي
22/6/2014
[email protected]

#ابراهيم_الخزعلي (هاشتاغ)       Ibrahim_Al_khazaly#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات