شعر شعبي - ياليل الهجر ياليل

ابراهيم الخزعلي
(Ibrahim Al khazaly)

الحوار المتمدن-العدد: 2563 - 2009 / 2 / 20 - 03:10
المحور: الادب والفن
    

ما ردناك ياليل الهجر
لا والله ماردناك
لكن أجبرونا اعليك
وصرنا احنه رفاكَه وياك
تِشَرّدْنا بظلام الليل
وظل اعراكَنه بنص العذاب هناك
وسدّوا بابك علينه
والله ياوطن
والناطور من اعداك
خاف نعود يحبيب
الك ونكَلّك احنا وياك
ومن ضلوعنه نصنعلك سيوف
وحنه النقتحم
ونشتت اعداك
وحكَ عيناك يحبيب
انت اعراكَنه الطيب
ابد والله ما ننساك
تدري الّي ابعدونا عنّك الباعوك ؟
لا احنه اشترينه
ولا احنه بعناك
وتركنه احبابنا
سهرانه العيون
تعد انجوم ليليه
تتامّل فجر بسماك
وهاي كَلوبنا
مثل العصافير
ساعه اهنا
وساعه اهناك
ثلاث اعقود نتلوّع
من يوم الّي فاركَناك
ياليل الهجر ياليل
هم عندك ضمير ايحرك اعضاك؟
مو كافي قساوه اتعذّب العشّاكَ
كل ظنّك تذله
وتجي وتنخاك؟
تموت ابعزها
دوم الأحرار
والورده تعيش ابوسط الأشواك
يا ليل الهجر ياليل
نبقى احرار احنه
مهما ضوكَتنا المُر
مرّه بيسْرِتَك
ومرّه ابيمْناك
مرّه بيسْرِتَك
ومرّه ابيمْناك


الدكتور ابراهيم الخزعلي
6/2/2009
[email protected]

#ابراهيم_الخزعلي (هاشتاغ)       Ibrahim_Al_khazaly#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل