أشرْ واطلع انته عراقي

عبد الله السكوتي

الحوار المتمدن-العدد: 4144 - 2013 / 7 / 5 - 13:10
المحور: مواضيع وابحاث سياسية
    

أشرْ واطلع انته عراقي
عبد الله السكوتي
أشرْ واطلع انته عراقي
كافي اهموم اشعندك باقي
دمك مهدور من اسنين
شربوا دمك وانته الساقي
اشر واطلع انته عراقي
×××
أشر واطلع يابو الغيرهْ
خلّي ابلادك تبقه ابحيرهْ
جتك لمريكا التأشيرهْ
واكفر باشواقك واشواقي
اشر واطلع انته عراقي
×××
واشنطن تسوه وتستاهلْ
شتسوي بآشور وبابلْ
خلّيها اتظل لهل الباطلْ
وتظل انته بأصلك راقي
اشر واطلع انته عراقي
×××
نهرانك فاضت آهات
ونجومك كالت هيهاتْ
بس ضيم وموت وحسراتْ
نكضيها بهالوطن اشباقي
اشر واطلع انته عراقي
×××
تنزل تصعد لازم تطلعْ
موت امحزم من كل مطلعْ
تطلع من بيتك ماترجعْ
ويكولون باصلك راقي
اشر واطلع انته عراقي
×××
اشر واطلع خلّي الناس
تتضارب راسين براسْ
ذاك السني ايدير الكاس
والشيعي ايصيح انه الساقي
اشر واطلع انته عراقي
×××
شوفوها المصر المحروسهْ
بوسه تروح وترجع بوسهْ
مو مثل ابلادي ابهالهوسهْ
خبطت اوراقك واوراقي
اشر واطلع انته عراقي

#عبد_الله_السكوتي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل