9أبريل و تحرير العراق

جواد القابجي

الحوار المتمدن-العدد: 4057 - 2013 / 4 / 9 - 13:59
المحور: الادب والفن
    

­­يوم تحرير العراق
*********
أبوذيَّه
***
تمنيت اوصل الگبره ++ وحفره
وهو فدوه لبو صابر ++ وحفره
الجبان ايلوذ بالنگره ++ وحفره
اوعاش العاقبه اويالجريذيَه
***********
تسعه أبرل يوم تسقيط الأصنام
چان فرحان الشعب ، حقق أحلام
*********
افرحنه غنّينه اوسمع حتى السمه
او گلنه فاز الشعب وحْقَنَّه الدمه
تالي اجتنه ناس ترجه الغانمه
بدِّلوا بعث ابَّعبث بسم الإسلام
***************
إجت موجات الكفر مثل الجراد
شايله اشكبره الحقد ضد العباد
قتلوا او ذبحوا ، يسمونه الجهاد
او هدِّموها اديارنه اولاد الحرام
***********
گلنه نصبر ماتظل الدنيه هیچ
ولمّن ازداد الصبر گالوا رچیچ
والشعب لاقبض هاي اولا هذيج
وصرنه ناكل نشرب اوعود او كلام
************
عشره مرَّت لا عمار اولا بناء
وين مليارات هاي الفقراء
والشعب لا ماي عنده او كهرباء
بس نشر تفرقه وفقدنه الوئام
****************
نريد نتحاسب اويَ كروش السمان
وين بوي افلوسنا او وين الأمان
واليفك حلگه تشوفه ابخبر كان
كاتم الصوت اليجاوب عالدوام
**********
گالها الفلته النَعَقْ مثل الغراب
ما أودِّع إلا اسويها خراب
اوطبَّقت أيتام عفلق هالجواب
والأرامل كثرت اوياها الأيتام
*****************
لشوكت ياشعب اصحه اوكافي نوم
اعداك متوحِّشه فوگك چنها حوم
گوم كسِّر قيدك اوصير إلها گوم
كلشي ابوكته حرب ، يولا سلام
**********

#جواد_القابجي (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل