جواد القابجي
الحوار المتمدن-العدد: 3946 - 2012 / 12 / 19 - 12:58
المحور:
الادب والفن
في أربعينية شهيدا التخلُّف واللامبالات
ألماسوف عليهما ماجد خضيِّر الشريس وزوجته
**************
أبوذيّه
*********
بعدك غير حزن اونوح ++ ماجد
لأنك أغله ما بالكَلُب ++ ماجد
يعيف الموت كلها اويجي الـ ++ ماجد
شنو ماعرف غَيره اعللوطيّه
***************
القصيدة
*******
شفت الموت يركض ياخذ الناس !!!
كَتله اشبيك خايب تاخذ الزين ؟؟؟
جاوبني ابصلابه او رافع الراس
لو آنا استحي .. ما خذتْ لحســـــــــــين
*****************
جا شلِّك علينه او شلَّك ابهاي
تجي او تستنكَي ناس اللي نحبها
روح أهل الظلم جدّامك اهواي
وخذ أرواح ما تأسف أهلها
مو تاخذ عزيز الروح وسلاي
وتزيد اجروحنه اوياهو اليشلها
تجي عمياوي جنّك بله مقياس
اوتاخذ طيِّب او محبوب للبين
مُرْ اجرعنه من اعمالك الكاس
او بعد هذا الحزن تاخذنه ليوين ..؟؟؟
*******************
#جواد_القابجي (هاشتاغ)
كيف تدعم-ين الحوار المتمدن واليسار والعلمانية
على الانترنت؟