المشه مارد ..

حسن حاتم المذكور

الحوار المتمدن-العدد: 4015 - 2013 / 2 / 26 - 17:44
المحور: الادب والفن
    

الـمـشـه مـارد
حسن حاتم المذكور
ــــــــــــــــــــــــــــــــــــ
كأوراق الخريف ... هاجر الصابئة المندائيين ... تاركة جذورها تنتظر ربيعها القادم من ذلك التاريخ ..
ـــــــــــــــــــــــــــــــــــ المشـه مارد...
الأم
ودعـنـه ومـشـه
ومـا نـدري ويـن يـريـد
بـس نـدري الـطريـج بـعـيـد
لـبـط گـلـب الـسـلـف يـدري
الـمـشـه مـارد
................
حــد الـشـوف ديـرة غـرب
بـسـمـاهـه هـلال
ضـيـج عـيـن مـا ورد
وجــه غـيـمـه
لا حـلـو الـسـلام يـرد
ولا مـثـل الـصـدگ يـنـشـد
.....................
ديـرتـنـه :
اصـل كـل ديـره ديـرتـنـه
لـمـتـنـه :
الـثـريـه بـگـمـره لـمـتـنـه
بـسـمـانـه هـلال
حـلاتـه وي الـنـجـم تـفـصـال
تـسـلّـم طـلـعـتـه مـن بـعـيـد
يـضـحـك عـلـشـفـايـف عـيـد
................
بـنـات الـعـيـد
يـا بـنـي تـريـد
حـگ الـشـوگ عـيـديـه
يـدورن بالـثـنـيـه هـلال
نـجـمـات وعـشـگ
مـا ضـاگ حـنـيـه
لـگـن دمـعـة حـزن
وهـلالـهـن مـا چـان
فـز لـون الـشـفـايـف
غـيـض
شـفـت خـلـگ الـبـحـر
بـعـيـونـهـن زعـلان
فـيـض كـحـل
يـم جـرف الـرمـش حـلـمـان
..............
تـرفـه ارواحـهـن
والـشـوگ مـا حـسـب
بـعـدهـن عـلـمـحـبـه زغـار
بـچـه الـحـنـه
وحـچـه بـحـضـن الـگـصـيـبـه
اسـرار
يـبـني زغـار
يـا الـمـا جـيـت
عـيـديـه وفـرح
بـعـيـونـهـن طـفـيـت
.................
ولـك دمـعـة حـلـيـب امـك
مـلـت وحـشـتـي ... ومـلـيـت
شـوكـت جـيـتـك تضـوي الـبـيـت
وضـمـك حـيـل ...
وشـهـگ بـيـك
وبـخـر گـهـوتـك بالـهـيـل
وحـچـيـلـك سـوالـف
مـا فـطـمـهـه الـلـيـل
.................
ولـك حـنـيـت
الـك يـبـنـي ... شـكـثـر حـنـيـت
شـگـد شـمـعـات مـن عـمـري
عـلـدرب الـمـا يـمـر طـفـيـت
مـرن كـل لـيـالـي الـسـود
ونـتـه هـلالـهـن
بالـروح مـا هـلـيـت
اهـز كـاروك طـاريـك
ولـولـيـلـك
وكـلـك مـر
ولـك حـد الـعـطـش حـنـيـت
...................
الأبـن
يـمـه اجـيـت
طـيـف يـتـوچـه
عـلـى تـاريـخ الـسـوالـف
يـمـه اجـيـت
لـمـلـمـت روحـي
وبـگـايـه سـنـيـن مـرت
مـثـل طـيـر
مـضـيـع جـنـاحـه
وعـلـى عـتـبـة سـنـيـنـچ
وچـريـت
................
شـفـت بـعـيـونـچ وطـن
مـكـتـوب عـنـوان بـجـريـده
يـبـيـع روحــه
ويـشـتـري الـمـا چـان الـه
فـز خـوف بـعـيـونـي وشـفـت
مـرسـوم جـمـهوري عـلـبـابـه
يـسـجـوب گـلـوب الـتـحـبـه
چـذبـت گـلـبـي وگـلـت
بالـغـربـه مـا نـعـرف نحـب
گـلـوبـنـه صـرة ثـلـج
مـا تـشـرب الـمـيّ
بـيـنـه طـبـع
مـثـل الـنـخـل
طـبـعـه بـحـضـن بـرد الـغـرب
مـا يـفـرش الـفـيّ
.................
دوروا بـغـداد بـيّـه
لـگـوا صـورتـهـه عـلـى ضـلـعـي
ونـكـرت ..
هـاي مـو بـغـداد ذيـچ
الـچـانـت امـي
يـتـمـت عـمـري الـزغـيـر
وعـرسـت
كـل وكـت مـكـتـوبـه قـسـمـتـهـه
....... عـرس
شـبـاط حـنـه چـفـوفـهـه
الـحـزن دمـعـة خـوفـهـه
زفـتـهـه مـسـبـيـه
وقـطـار الـمـوت
بـيـه حـفـلـة عـرس
چـان خـوف
وزوريـت الـچـان بـيـه
وهـاجـرت
بـس جـلـدي بـيـه لـون الـشـمـس
...................
چـانـت بـروحـي بـعـد
شـوغـة حـلـم
وگـلـت مـو مـالـي الـحلـم
يـمـكـن نـسـاه بـطـران
يـم گـلـبـي
وصـرت بـيـه مـلـچـم
.....................
لـگـوا بالـريـه بـعـد
جـيـنـة وطـن
سـديـت شـريـانـي وخـفـت
لا يـصـرخ بـروحـي الـوطـن
.................
جـيـت طـيـف
مـن الـسـنـيـن الـمـا تـجـي
مـخـنـوگ بالـعبـره الـحـچـي
ودري بـدريـه عـلـجـرف الـديـره
مـنـتـظـره عـهـد
ودري الـدمـع
بـعـيـون بـدريـه رمـد
وبـالـتـراچـي
الـوجـنـة الـسـمـره
خـلـگ مـا ظـل بـعـد
...............
سـدي بـاب الـشـوگ
وانــه اغـلـگ روازين الـعـتـب
بـدريـه ردي الـديـرتـچ
وانـه يـرد بـيـه الـدرب
...............
رديـت شـوگ الـغـربـتي
اشـعـل بـگـايـه شـمـوع عـمـري
سـهـرانـه شـمـعـه وي الـصـبر
شـمـعـه عـلـى دربـچ تـنـطـفـي
لا دربـي يـمـشـي الـديـرتـي
ولا دربـچ الـدربي يـجـي
وزرع المامش ... على المامش
سـوالـف ونـتـظـر
يـجـوز طـاريـچ يـمـر
وحـسـبـهـه جـيـه عـلى الـعـمر
......................
بـدريـه :
ضـاع الـچـان بـيـه
ثـوب الـگـصـب والـطـيـن
مـا خـلـوه عـلـيـه
وانـتـهـت بـيـهـم بـگـايـاي
........... وصـرت
مـوش انـه ذاك الـي چـنـت
ـــــــــــــ 26 / 02 / 2013

#حسن_حاتم_المذكور (هاشتاغ)      

---

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات