رسالة الى المؤتمر الوطني ... بالليبي الفصيح...

عبد السلام الزغيبي

الحوار المتمدن-العدد: 3897 - 2012 / 10 / 31 - 18:25
المحور: مواضيع وابحاث سياسية
    

يا جماعة الخير.. ركحو الكارطة، واستهدو بالله، وشوفونا حل في هل المشكلة العويصة اللي قاعدين متزرطين فيها من ثلاث شهور ومش قادرين نتحرك القدام والا للوراء،لا يمين لا يسار، حشمتونا وفضحتونا قدام الناس اللي يتفرجوا علينا، ويقولوا شنو هل المهزلة، شنو هل السيرك اللي قاعد يلعب، شوفو الليبين مش قادرين يحكموا ارواحهم بارواحهم وغالبين حتا يشكلوا حكومة والا يشكلو فريق كوره،مافيش كبير في هل البلاد يلم شويه الغجر هضوما اللي كل مره ناطين على المؤتمر، وادييروا اللي يبوه، مافيش حد يمسكهم، في الاخير حطوا كلاب وولف تحرس المكان، والا جيبوا الكلاب البشرية الي كانت واقفة ايام مؤتمر الشعب العام، وكلوهم وشربوهم كويس، وشوفو بعدين النتجية، والله ما يقدر واحد.... يهوب من المكان، لان في ناس ما تفهمش الا بالسوط السوداني الطويل من الجلد الطبيعي، تضرب الواحد منهم على مخروقته ماعدش تشوفه بكل.

شوفو كان اليوم ما صارش من موضوعكم شئ، ومازال اللبز والعركة وهضا عاجبنا وولد عمنا ومن منطقتنا وحطوه وزير والا انخربوها،فكونا من الدلع الزايد، والا انسيتوا كيف كان مؤتمر الشعب العام يحط في الوزراء، عندا عشرين واحد يبدل بيناتهم 40 سنة وماحدش تكلم!! المهم.. لو ما صار شئ اليوم.. عدوا شوفولكم خدمه اخرى ديروها، وتوا نصرفوا نحنا وحدنا، وأنا عندي فكرة من زمان انفكر فيها ونبي انقولها.... وتوا خلونا في الجد.... وانخشوا في الموضوع...

يا سادة يا كرام .. يمكن الاستعانة بادارة دولية يكون عملها الاساسي هو المحافظة على ما تبقى من مؤسسات الدولة الليبية ومحاولة تطويرها، تضع خارطة طريق وجدول اعمال محدد، يواجه التحديات مثل إعادة الأمن إلى كافة المدن الليبية، وخاصة في المناطق الحدودية،حيث لا وجود للسّلطة المركزية فيها، وتسيْطر عليها جماعات مسلّحة منذ وضعت الحرب مع كتائب القذافي أوْزارها. جمع الأسلحة من الميليشيات وفرْض هيْبة الدولة على جميع الفرقاء، وضع حد للصراع القبلي الذي بات يهدد استقرار البلاد، والحفاظ على وحدة ليبيا من التقسيم، وضم ما يعرف بالثوار إلى تشكيلات وزارة الدّفاع أو الداخلية، والاشراف على اعداد الدستور الجديد، وعلى الانتخابات البرلمانية المقبلة، وأعمار البلاد، وتطوير الاقتصاد، تفعيل القضاء وتطوير الادارة. وهناك شركات وهيئات استشارية اجنبية متخصصة تقدم خدماتها في هذا الشأن.
كل ذلك بمقابل مادي يتم تحديده، من عائد البترول. بدون حساسيات وشعارات جوفاء من نوع لا للتدخل الاجنبي والاستعمار والصهيونية العالمية والامبريالية... وبقية المعزوفة.

ليس عيبا الاستعانة بالعون الخارجي مثلما فعلت المانيا واليابان بعد الحرب العالمية الثانية، بل العيب ان نستمر في التخبط والفوضى ولا نستعين بمن يستطيع مساعدتنا الان ونحن نملك الاموال،والامكانيات البشرية.

نحن يا سادة يا كرام نحتاج الى منهج شامل للتحول من مجتمع يعيش عالة علي البترول الي مجتمع صناعي متقدم حتي يكون المجتمع مؤهل لمعدل النمو الاقتصادي مما يساعد علي وفر العمل لسد البطالة ورفع مستوي التعليم والصحة والتجاذب الاجتماعي.

نحن اليوم في ورطة لانحسد عليها، أما ان نكون او لانكون... والامر بيد كل الليبيين...

#عبد_السلام_الزغيبي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل