وجهات نظر 4

لؤي عجيب

الحوار المتمدن-العدد: 2915 - 2010 / 2 / 12 - 14:47
المحور: الادب والفن
    

- شوبك يارجل ليش تأخرت لهلا ... هي صارت الساعة تقريبا تسعة ....
- شو بدي ساوي ... دخلت المركز ... والباشا كان مشغول باتصال ...
- ساعة الإتصال ... طيب كنت ارجع ...
- السكرتيرة عطيته خبر اني وصلت ... وما عاد استرجي اتحرك من مكاني ...
- هاهاهاها ... الله يعينك على هالعلقة .... المهم .. رح نستلم الشيكات اليوم مشان نوزعها ....
- ما بعرف ....
- كيف ما بتعرف ... ما قلك شي ...
- مبلا ... قلي ارجع على شغلك .. وأنا بتصرف .... وانشالله توصل الشيكات اليوم ...
- ايه .. وبعدين ...
- هي بعدين ... انا هون ..معك .... يلا خلونا نتسهل على الشغل ....
- يلا .... هلا بيكونوا الناس ناطرينا طوابير بعد ما سمعوا الخبر مبارح ....
- الله يعينا على هالصباح ... من بدايته رفع ضغط ...
- وهلا شوف الناس ... بتحكي معاهم وكأنهم طرشان .. لا بيسمعوا ولا بيفهموا .... وبيسألوك نفس السؤال مية مرة ... وتخلص منهم اذا رجال .... .... .... .... .... .... .... .... ... ... .... ...
- شوف هالمنظر ....
- العمى كيف لحقوا يتجمعوا هدول الناس ... من اي ساعة ناطرين ...؟؟؟
- من مبارح ... من لما سمعوا الخبر ... وتعى فهمون انو نحنا متلهم ما فهمانين شي ...
- الله يعين ... ليش هجموا على السرفيس ... صف قدام الباب حبيب ... يسلم ايديك ... شرفوا...
- شو هي شمسنا عالية ... نحنا طالعين من بيوتنا قبلكم ...
- لاترد عليهم ...
- مين هيدا يلي عم يسب ...
- طنش .. لا تساوي حالك سامع شي ... خلص ... لا ترد عليه يا زلمي ... الرجال قد أبوك ... بكون معصب شوية ....
- شو معصب شوية يارجل ... اسمع هالقلة الذوق ...
- انسى ... حط بالخرج ... ولا تهتم ... خلص سكر الباب .. لا ترد عليه ... اتركه شو بدك فيه ... بتسمع كتير من هيدا الحكي ...
- يا رجل شو هالوقاحة ...
- زلمي كبير الله يعينو بيكون بردان او تعبان ... خلص طنش على حكيه .. بيحكي كلمتين وخلص ..
- شو خلص ... شو خلص ... هاد واحد قليل الذوق .. ما تقول سارقين مال أبوه .. العمى شو هالهمج
- استريح ... رح جيب القهوة ... وأنت بمعرفتك خبرهم يرجعوا بكرا...
- خليهم ينلطعوا شوية بالبرد ... الله لايردهم ..
- حرام عليك يا زلمي ... تطلع تخبرهم أنت ولا أنا .؟؟؟
- أنا رح أطلع .. بس خلينا .. ناخدلنا رشفة قهوة ... شوف ... شوف الهمج برا ... العمى ايمتا رح يصيروا بشرهدون ....
- يا رجل برا برد بموت ... خلص أطلع قلهم لبكرا ...
- بيستاهلوا ... بتلاقيهم ناطرين من الستة أو سبعة الصبح ...
- لولا الحاجة ما بيجوا يارجل .. شو نضحك على بعضنا يعني ....
- صب ... صب قهوة .... ... ... امممم ... هلا صار فينا نطلع نحكيهم .... ... .... ... ولك انت واحد تافه ...
- يا رجل قلنالك اطلع خبرهم .. مو تسبهم ...
- هي الطلع معك ... هلا صرت أنا عم سبهم ... اسمع هالختيار قديش قليل الذوق ...
- بعدين بتحط عقلك بعقلوا ... أنت عم تحكي ختيار ... حكا كلمتين ... طنش ولا تسوي حالك سامع بدها طولة بال ...
- اسمع .. اسمع .. ولك ...
- خلص خلصنا يا رجل ... احكي وخلصنا وتجاهله يازلمي .. لك شبك سكرت الشباك ؟؟؟
- بدي ربيه للتافه هاد ...
- حرام عليك ... والله ممكن يموت من البرد هون ... خلص قلهم يرجعوا بكرا .... وريحنا وريحهم
- والله ما رح أطلع قبل ما خلص فنجان القهوة .. ودخن سيكارة على رواق ...
- خلص خليك مرتاح ...أنا رح أطلع وخبرهم ...
- لا بشرفي ما طالع ... خلص حلفت ... خليهم يذوقوا ويحسوا على دمهم ... العمى نحنا من الصبح على أعصابنا وهنون جايين يبهدلونا ويسبونا ... شو هاد ... والله همج .. وبعمرهم ما رح يصيروا متل الخلق والبشر ....
- كرمالي ... طول بالك .. واطلع أو خليني أنا أطلع ....
- يلا رح اطلع خليني خلص هالسيكارة ...
- طول بالك ولا تعصب هنون كلمتين احكيهم وسكر الشباك ماشي ..؟؟
- ماشي ... يالله .... .... ..... ياشباب اسمعوني منيح وماحدا يقاطعني رجاءً .... كنا رح نوزع الشيكات اليوم ... رجاءً ... يا شباب هدوء شويه واسمعوا ... والله ما سامعكم ... ايه شيكات شيكات ... منين بدي جيب مصاري أنا ... مفكرني بنك ... هيك الأوامر حبيبي .... رح نوزع الشيكات بس يوصلوا .... يا جماعة الخير اسمعوني ... اسمعوني منيح ... لا .. لسا ما جبناهم .... أكيد بكرا بيوصلوا الشيكات ...شوية هدوء ... اسمعوا منيح ....اليوم مافيه شيكات ... هي نصيحة مني روحوا البيت اليوم ... وارجعوا بكرا استلموهم ... ارجعوا بكرا استلموا الشيكات ... ولك خلص ؟؟؟ العمى ... متلي متلكون أنا ما فهمان شي ... متل مابدكون ... يلي بدو ينطر يبقى ... بس اليوم ما فيه شي .... .... اسمعتوني ما فيه شي اليوم .... يلا السلام عليكم ...
- خلص .. هلا كل واحد ذنبوا على جنبوه ...
- شفت ختيار الجن هاد ... العمى قديش عم يسب ... ولك مفكر أنو المصاري معنا ونحنا ما رح نعطيه ... وما بيقتنع قد ما تحكيه ..
- ليش تحكيه ... اتركه يعمل يلي بدو ياه ...
- عم يسب علينا ويبهدل ...
- يسب على كيفو ... يعني هي أول واحد بسبنا ولا آخر واحد ... هالخد تعود على اللطم الله وكيلك .. اتركهم يعملوا يلي بدون ياه ....
- قولك فخار يكسر بعضه .... .... .... ... ... ... ... ... ... ... ...
... .... ... ... ... لك هالختيار قديش جقر ... ولك ما كان يروح البيت ... نص العالم راحت وهو لسا عم يراقبنا ... طلع .. طلع عليه ...
- جقر على حاله .. جقر علينا يعني ... خليه بكيفه .... يعمل يلي بريحه ...
- أنا رح أمشي هلا ... بدك شي ...
- لسا ما خلص الدوام ... بدي أنزل على السوق .. لازمني شوية غراض للبيت .... يلا سلام ...
- سلام ... دير بالك من هالختيار ... شكله بدو يقنصك ... هاهاهاهاها ....
- الله يجيرنا من هالمجانين ....سلام ..... .... .... رجاءً يا شباب يلي عندي حكيته وما فيه غير هي الحكي ... ابعدوا .. لو سمحتوا .. ابعدوا .... اتركوني مر .... ولك شو رح اهرب ... شو شايفني متخبى منك أنا ... ولك يا همج وين هاجمين ... شو المصاري معي ... ولك خلص ... فلت ولك ... انا داخل اتصل بالشرطة والرجال يبقى هون ....
- شوفيه .... شوفيه.....
- شفت الهمج شو عملوا ... العمى بدون يضربوني ... أنا رح ربيهم للكلاب هدون ... شبك ... شو رح تساوي ....ولك ... ليش البربيج .... لا يا زلمي ... لا ترشهم بالميه والله الدنيا صقعة ....
- أنا رح ربيهم للكلاب ... اتركني ... .... يلا قربوا لهون ..... ... هي مشان تعرفوا إن الله حق ... ما رح تخلوني روح البيت صح ... عم تتهجموا على موظف ... وهو على رأس عمله .... هي حكيت مع الشرطة ... وجايين يشحطوكم متل الكلاب ..... شوف ... شوف كيف هربوا ....
- يخرب بيتك .. والله انك شيطان ....
- مو أكتر من هالختيار النحس هداك ...
- كيف اجا من قلبك ترشهم بالميه هيك ... والله رح ياكلوها مرضه مرتبه بكرا ... العمى سبحتهم يارجل ....
- كانوا رح يخنقوني برا ... العمى كنت رح موت .... بيستاهلوا .... يلا بدك شي ....
- سلامتك ... قولك بيجونا الشيكات ....
- انشالله عمرهم ما يجوا ...... هيك ناس لازمها علف .... مو لازمها دعم ودلال ....
- هاهاهاهاهاها ... يخرب بيتك شو قلبك أسود ...
- كان أبيض وهالعيشه هي سودته ... يلا .. سلام ...
- سلام ... روق وتعال بكرا ... سلام ....

#لؤي_عجيب (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات