وجهات نظر

لؤي عجيب

الحوار المتمدن-العدد: 2913 - 2010 / 2 / 10 - 17:35
المحور: الادب والفن
    

1
- يارفاق ... انا جمعتكم اليوم حتى نحط خطة استراتيجية مشان توزيع الشيكات يلي رح تمنحها الدولة للمواطنين بعد ما صدر قرار بهيدا الشأن من مجلس الشعب .. لهيك عندي رجاء من جميع الرفاق الموجودين بالإصغاء الكامل للخطة الموضوعه وأي شخص عنده اقتراح او رأي أو حتى اعتراض .. يكتبه على ورقه وبآخر الإجتماع .. الرفيق أبو كامل بيلم الأوراق منكم وندرسها ونعبي الثغرات من خلال مشاركتكم لهي الدعم العظيم ... الخطة يا سادة يا كرام تنص على .... ..... .... ... ...... ....
.... .... .... ...... .... ....
- حدا من الرفاق المشاركين بالإجتماع عنده استفسار أو سؤال ..... ... .. عظيم هيدا الإجتماع هو مثال يحتذى به في الإنضباط والإنصياع للقواعد والنظام ... بشكر جهودكم وكل شخص يطوي الورقة يلي كتبها .... ابوكامل ..
- نعم سيدي ...
- لم كل الأوراق ... بكرا واحد منكم يمر على المكتب قبل مايروح دوامه مشان نشوف اذا بيكونوا وصلوا الشيكات ... مشكورين .. شكرا... الله يوفقنا ويقدرنا نخدم هالبلد وهالشعب الطيب ... الله معكم .... الله معكم .....
- سيدي هي الأوراق كلها ... وين بحطها
- بالزبالة ...
- عفوا سيدي ...
- ولك شبك ما عم تسمع .. طرشت ... كبها بالزبالة ..
- حاضر .. حاضر سيدي ...
- يلا جهزلي السيارة نطلع البيت .. بكرا عندنا جولة ميدانية نتفقد الأحوال .. والتوزيع ... يلا
- حاضر .. حاضر ..... ... ... ... ... ... ... ...
.... ... ... ... ... ...
2
- شو رأيك بالمحاضرة يلي سمعتها من...
- ديربالك .. لساما طلعنا برا المكتب .. خلينا نقعد بالقهوة وهنيك نحكي ....
- اطلع معي بالسيارة وصلك ... ونحكي بالسيارة ... شرف ...
- يالله ... كل يلي سمعته صف حكي ...
- يعني برأيك رح يوزعوا الشيكات ...؟؟؟
- أكيد هيدا قرار ولازم يتنفذ ... بس رح يهلكونا قبل ما نخلص توزيع ....
- معقول يارجل كل هالناس تخلص بشهر ...
- ولا أربعة أشهر .... شو عم تحكي أنت ... اي كلنا على بعض ما نجي عشرين ... وماشالله الناس كل ماإلها عم تزيد عندنا .....
- عشرين مركز .. مقابل ملايين الناس ... والله معك حق ... يا سيدي الله بيعين .... وشو كان عم يخبص صاحبك ...
- والله ما عرفت شو حكي ... كله صف حكي ما إلو معنا ...
- أنا ما عرفت ليش الإجتماع إذا ما رح يخلينا نحكي ولا كلمة ....
- ولك أحسن يلي نبهنا من الأول أنو ممنوع الحكي .. وإلا كنا حكينا وكان غضب على كم واحد ....
- هاهاهاها .. والله معك حق ..
- جمعنا يستعرض قدامنا شويه ... ويذكرنا بهيبته ....
- والأراء يلي قدمناها ....؟؟؟
- بالزبالة ...
- شو قصدك بالزبالة ..؟؟؟
- يعني ... كل شي كتبناه .. تمزق وانكب بالزباله ..
- معقول يا رجل ... معقول هالحكي ....
- لكن معقول .. رح يرجع لبيته .. ويقرا آرائنا واحد واحد ويرجع يدرس الخطة من جديد ويعدل فيها ...
- ليش مو معقول ...؟؟؟
- لأنه سلفا .. ما هو كاتب الخطة ... بتلاقيه سكرتيره أو شي موظف فهمان عنده .. وهو عم يتمنفخ علينا .. وعلى أساس أنو كتير فهمان وديمقراطي ... بيهموا يجمع آراء الآخرين ....
- قلتلي بالزبالة ... هاهاهاها هاهاها ...
- لكن وين رح يكونوا .... روح نقعد بشي قهوة ... عازمك على قهوة ...
- يلا .. مو كل مرة تجينا هالفرصة ... شعره من .... الخنزير مكسب ... هاهاهاهاها ..
- هيك صرت عندك أنا ... خنزير ... الله يسامحك ...
- عم نمزح معك يارجل .... مارح تغدينا ....
- تخنتا .. كلمة تانية و بروح على بيتي ....
- طول بالك يارجل ... عم نهز الحبق حتى نشمه ... طول بالك ..
- اذا هيك ... معليش ... شرف ....
- شرف .....

#لؤي_عجيب (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل