أوهام نبيلة

عمر عبد العزيز

الحوار المتمدن-العدد: 2901 - 2010 / 1 / 28 - 17:54
المحور: الادب والفن
    

أهو نجرب
نقوم نركع نصوم نفطر و بنقرب
ساعات نفرح و نتبسم
و أكتر منها نلقانا
بنتدارى
في أوهام جوه ساكنانا
شجن بيفيض يغطينا و يملانا
و نتوكل ... و نترهبن ... و نتبتل
أغاني تصادر الفرحة
نرنم فيها و نرتل
اتارينا في مشوارنا
بنبني في حواجزنا بنعلي بكل اسوارنا
و نغزل وهمنا واحة
نسيب جنة .. عرقنا اللي يحققها ... لحلم بجنة مرتاحة
و لما نصحى نتفاجئ بإن العمر متسرب
في مشوارنا ... بنتصارع ... بنتسلق شجر فارع
ساعات نكسب ... ساعات نعلى
و فجأة نبص تحتينا
يضيع الحلم جوانا تتوه السكة نتضلل
مكاسبنا ... بقدرتنا؟؟!!!
طب غيرنا ليه بيتكسر؟؟
و ليه الحلم متفسر؟؟ و ليه الفيلم و بمقاساتنا متفصل؟؟

بطولة بتيجي بالصدفة ... و مبنختارش
ويسندها بشر غلبان ... يجوز أحسن ... يجوز أطيب
يعيش كومبارس ... ولا بيبانش
و أحس بأنه دور ظالم
مهوش ليه أنا لوحدي ... لكن للكل
و اتبدل ...
هموم ع الروح بتتكثف ... أبص لغيري و اتأسف
و يهرب من حياتي الطعم
و اقول من تاني لجل ارتاح
أهو نجرب ... واعيش في الوهم.

#عمر_عبد_العزيز (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل