يا گمره يا گمريه

حسين جهيد الحافظ

الحوار المتمدن-العدد: 2646 - 2009 / 5 / 14 - 01:10
المحور: الادب والفن
    

12/5/2009
يا گمره يا گمريه
اِسمچ عذب طاريه
يا ذهب صافي وبلور
حطينه وي نورچ نور
وسوينه بدروب الناس
سچه ونطگ اِمعيدين
اِنخضر عشگ حوريه
يا گمره يا گمريه
***
يا گمره يا گمريه
يا طبع صافي النيه
هلّي علينه هلّي
بحبابي مرّي وأهلي
أهلي الناس الطيبين
أهل الوفه التعبانين
عشگ الفرات ودجله
عشگ الملح وي الطين
اِيگط وفه وحنيه
يا گمره يا گمريه
***
يا گمره يا گمريه
يم الگمر يا ضيه
يا حلوه مرّي بينه
اللعبچ اِشتاگينه
منجله وي الچلكوچ
اِبگد الهوه من حبوچ
نزدهر اِحنه بالنور
اِنحب الضوه اِشيوعيين
اِنخضر ورد بالدنيه
يا گمره گمريه
***

يا گمره يا گمريه
يا شوگ چاسر فيّه
اِبشوگ طشّي نورچ
للناس وفّي اِنذورچ
حنه ومراجيح وياس
لبدروبچ اِعيون الناس
تتنطرچ شمس اِبليل
واهلال شايل عيدين
عيد الفطر واِضحيه
يا گمره با گمريه

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل