قيامة ثانية

حسين جهيد الحافظ

الحوار المتمدن-العدد: 2525 - 2009 / 1 / 13 - 09:34
المحور: الادب والفن
    

آذار / 2005
المقدمة
كانت القيامة الأولى عام 1991 للشاعر الكبير عريان سيد خلف وذلك بعد اِنتكاسة الاِنتفاضة الشعبانية وهذه قيامة ثانية لزمن ما بعد سقوط الصنم
حسين جهيد الحافظ
القصيدة
صبر اِگبور
واِدموع اليتامه اِتطرز الأيام والناطور
غرگان اِبلذيذ النوم واِسلاحه رمح مكسور
ذبح ينگل ذبح للجنه عود اِنروح
واِدموم الشباب اِتكحل الساطور
اِهناه خوف وألم ... واِهناك حسره وآه
دنيه وشاخ بيهه البوم
واِفروخ الدجاج اِصگور
مسلول الگمر والشمس رمده العين
ودخّان الجگاير علة المصدور
ريه اِمّزگه اِمن الظيم ... يحضنهه چبد منخور
حيطان البيوت اِسيوف تحصد ناس
والخطوات تتعثر مشي ناعور
همس مخنوگ ....طيف اِيموت ..دنيه اِتدور
تبليط الشوارع سچه مسكونه وشبح مذعور
وأمل مذبوح بينه اِيناطر التنّور
هسه اِيفور
والطوفان هسه اِيثور
هسه ويغسل اِهموم الناس
والأيّام ترجع عود گمره ونور
هسه ويطلع المذخور
ويرد ميزان عدل الله ويموت الجور
أمل والحال ذاك الحال
والأيّام تاكل جور تشرب جور
جور اِيموت خضر جور
اِجروح الألم كبرن واِشتعل جرح الثار
اِجو والهور
مرگ سووه واِخواشيگ صار الزور
وكل يوم وطلع مذخور
جبه اِمفصل الدولار
وعمامه الخديعه المهم يبني اِقصور
المهم نلزگ صور واِنلوث الحيطان
والحيطان حيل اِتجور
موت اِبموت ..... ذبح ينگل ذبح
للجنه عود اِنروح يالمذخور
شفنه اِمن القيامه أشكال
مشينه اِعله الصراط اِسنين
يجرحنه الصراط اِسيوف
عميه وبين المستور
والمحضور
من باب التقيه صار ما محضور
يالمذخور شمتاني القيامه اِتقوم
مو هاي القيامه وذاك اِسرافيل
كل ساع ونفخ بالصور
يالمذخور ..
يالمذخور ..
يالمذخور
شگ اِلثام وكتك واِلحگ اِسرافيل
ساعه ومات من كثر النفخ بالصور

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل