رسائل الحافظ الرسالة الأولى/ سنين اِجفاك

حسين جهيد الحافظ

الحوار المتمدن-العدد: 2504 - 2008 / 12 / 23 - 02:30
المحور: الادب والفن
    

الرسالة الأولى/ سنين اِجفاك 1999
سنين اِجفاك حسره وآه
مرت موش چن اِسنين
طويلات ونسينه العد
أظنهن جاوزن تسعين
دكينه الصبر قاطات
لهمنه اِويه الصبر عمرين
يا عمري الوصل بيك الحزن كلش
وصل ويّاك حد الطين
شگ ثوب الخجل والمستحه الغطّاك
صيح وفزز الغافين
صيح اِبصوت عالي الصوت
يا ثار الشهيد حسين
مضيف البارده اِدلاله
لا هو مضيف ولا هله اِمعزبين
واِيمام الما اله شاره
لا تنزار گبته ولا اِله گيمين
ولا رهبه الحضرته ولا اِله رجفه
أبد مو صوچ بالمهوال
هوس هوسته اِبخفه
صوچ التيهوا بيرغهم المهيوب
بيد الما لزم بيرغ گبل چفه
ولا طب المضيف ولا حچه اِبعرفه
ولا بولايه اِله منزل
غريب ومحد اِيعرفه
تسلطن صار راعي البيت
وراعي البيت يتخفه
ألف يا حيف يا وسفه
تشمت بينه الشامت
صدگ والعاذل اِتشفه
دهل يهلال خل جفن السهر يغفه
وخل ابنادم المجروح
جرحه اِبجييتك يشفه
وخل أيّامك المرت ترد أيّام
واِسنينك ترد اِسنين
وخل اِسمك يرد
مرود كحل مشتاگه اِلك كل عين
رد بالشوگ كلنه الجيتك اِمتانين
رد النه يطيف الزين

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل