رسائل الحافظ -الرسالة الثالثة/شوگ و وسفة

حسين جهيد الحافظ

الحوار المتمدن-العدد: 2512 - 2008 / 12 / 31 - 03:00
المحور: الادب والفن
    

شوك ووسفة 2005

شوگ وحنيه ولهفه
وعظة اِصبع يگطر وسفه
خجلان الكمر والشمس مستحيه
ونجوم الليل حيل
اِتغطن اِبعفه
والعالم مو ذاك العالم
يصعب وصفه
وچلمة ( أهلاً )
تتمرجحلك فوگ الشفه
يا ملح الخبز والماي
حبك أصل مو صدفه
يا شيمه
ومحبه
وهيبه واِحساس
يا بيرغ شرف واِبزود
اِسمك للشرف مقياس
يا سيف الحسين وراية العبّاس
يا شعلة أمل بالروح تترجاك كل الناس
اِأسولفلك وكتنه صار مالوم
وأنه الحالف أبد ما أحچي حالف
اِأوصفلك دليلي اِهواي مهظوم
حزينه وماتت اِبشفتي السوالف
اِنكسر جنح المحنه اِبگلبي من يوم
اِرتچيت اِعله الرمح مجبور أوالف
دخان الجكاير ويّـــــــــه الاِهموم
هـــــم اِعله همّي وأگولن مايخالف

لون تجبل تصيح الناس حيّاك
واجب عالخلك مفروض حيّاك
اِذا غفله تـــــرد واِتزور حيّاك
تطك أرواحنـــــه الجيتك هديه
نديه وتنتظر لهفه
وچلمة ( أهلاً )
شوگ ويتمرجح على الشفه

#حسين_جهيد_الحافظ (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل