لروضة في الابوذية

حسين جهيد الحافظ

الحوار المتمدن-العدد: 2584 - 2009 / 3 / 13 - 03:18
المحور: الادب والفن
    

الروضة لون من ألوان الأبوذيّه يستخدم الشاعر فيها حروف الهجاء في بداية ونهاية كل بيت من أبياتها عدا الرباط فتكون بدايته حرف بيت الأيوذيّة نفسه أما النهاية فهي نهاية الأيوذيّة الاعتيادية الياء المشددة والهاء الساكنة ويكون عدد أبيات الروضــــة 30 بيتاً -- 28بيتاَ منها بعدد حروف الهجاء والبيتان الآخران أولهما يبدأ وينتهي ب (( لا )) والثاني الختام
ألف
الك جنس اِبأرض ما اِنوجد وأسماء
اِنفــــرد بيك وصرتله صفه وأسماء
اِشكثر أسماء مــرت علىّ وأسماء
اِســمك ما شفـــت أبــــــــــداً جديه
باء
بتت وي الحزن والحزن يلباب
بان الشيب وآنه شــــاب يلباب
باب الفرج وينك صحت يلباب
بيدي أعمت وأنادي اِبلا وعيه
تاء
تبارك أي وحگه وحگ عامّات
تهت والعين يوم اجفاك عامات
تنيتك يالجفيت وجزت عامات
تعال اجفاك شوفه اِشعمل بيه
ثاء
ثره أجدامه محنه وطيب يورث
ثگب چانون اله بحشاي يورث
ثوبه مــــــا يلبسه سمل يورث
ثبت بالزين والطيب ايتزيه
جيم
چنّي اِمن العتب روحي العتب ملاچ
جنيت اِعليچ طــــــبعي اِبنار ملاّ چ
جبت عمري الحـــــــزن فلاّح ملاّچ
چنّي أم الرضيع العافته بالغاضريه
حاء
حرت وأصفگ صفيت الراح بالراح
حزين وعـــــود أسلّي الراح بالراح
حمدت الله دفعـــــــــت الراح بالراح
حـــــلم ردت علىّ نفــــــــــس البليه

خاء
خذلني الچنت أزامـــــــط بيه والأخ
خفـــــت وعاشريــــــــت الآه والآخ
خوفي اِمن الشمت واللام .... والأخ
خايــــــــب لو سمع يشتمــــــت بيه
دال
دمـــــع العين مو دم همل من صاد
دفگ خنياب حسن الترف من صاد
دليلي مـــــــــن زغر بهواك منصاد
ديدانه هــــــــــــواك وخنت بيه
ذال
ذيب أمــــــعط چنت آنه وأنا فذ
ذعنّي الوكـت گمت أقبل وأنافذ
ذبل عودي السهم ماضي ونافذ
ذليل أصبحت والعـــــاذل تچيه
راء
رماني اهواك حته الريج مرمر
رمده العين ونحت صخر مرمر
ريت ابطيف شخصك عليّ مرمر
ردته ايشوف هجره اِشعمل بيه
زاي
زماني اويه النذل ما يوم ينحاز
زتني والدلــــــيل ابسيف ينحاز
زين ابزين طبـــــع الزين ينحاز
زينه ابود لبو أطبـــــــاع الوفيه
سين
سلامك عذب طبعك ترف ونّاس
سمارك سلب لب احشاي ونّاس
ساسك شين أعرفه زين ونّاس
سألتني گلت روحــــــه أريحيه
شين
شوفي مــــــا يوچد گام ونغاش
شيبي لاح وسفه أنخذل ونغاش
شهد أدريك علگم صرت ونغاش
شبابي ابعشرتك أصبــح ضحيه
صاد
صلد طبــــــــعي حديد وأبد منگص
صحيح ولا يهمني اليگص منگص
صفو خنياب أجيب الزود مــنگص
صيهود الوكــــــــت مـــا أثر عليه
ضاد
ضوه خدك صليل أمضه من الماض
ضمن نفـسه البعد عنك مـن الماض
ضميرك حـــط فعل حبنه من المض
ضهدني وحــــــــــيل راواني المنيه
طاء
طفر گلبي وهجر روحه تشرط
طلع ممزوگ مـــا ينفع تشرط
طبيعي يالحبيب افرض تشرط
طايع لو ردت روحــي ضحيه
ظاء
ظلم كلمن حچه عليّ من الحاظ
ظيم الوكت مـــومني من الحاظ
ظليمه عاشرت واحد من الحاظ
ظلمني وفـــوگ ظلمه ايريد ديّه
عين
عيونه اعيون شبه المها وساع
عليهن ما ألـــــوم الهاج و ساع
عذيبي چان يـــــوم اليمر وساع
عجاج وزمهريــــــــر وبيه أذيّه
غين
غدرني العاشريته بــــــطر وزّاغ
وصفيت اطويـــر بين الباز وزّاغ
غصب عني جرعت الصبر وزّاغ
غشيم واجت مــــــن ايدي الأذيّه
قاف
قسم بالواحد القيــــــوم والحق
قسمتي أتناك حد الشيب والحق
قانع وأعتذر غلطــــــان والحق
قبلته اوياك بـــــــس اقبل عليّه
كاف
گبل جدمي سرن شوغاتي واجلّلك
كياني اِنته وأقدســــــــنك وأجللك
كفو ونعمين ما أشــــرف وأجللك
كريم وأريحي وذاتــــــــــك وفيه
لام
ليلي اهموم يــردف عليّ منحال
لبت منه وصفيت ابجسم منحال
لون اتشوف حالي اشلون منحال
لملم كل عــــــــــــذاب الكون بيّه
ميم
مته ترتاح يـــــا گلبي من الهم
متيم والصبر ما ينفع من الهم
ملام اللي لفه أحبابي من الهم
مأنا أدريهم طبايــــع نرجسيّه
نون
نبل واسهام عنده اعيون يرمن
نبيل ومـــن أساسه شغل يرمن
نخل واِشما تطگه اِبحجر يرمن
نســـــوغ العثگ للطگهن هديّه
واو
مصل ليّ الخبر مسرور من جو
وغده قدّاح بي الشـوگ من جو
وحياتك آه اِشخلف الي ّمن جو
وفاء ودنيتي تــــــــرفه وهنيّه
هاء
هله يلي نظرنــــــــــــه دوم شطره
همت بيك وشاسولف حرت شطره
هلال العيـــــــــد حبكم يهل شطره
هــــــــواكم دنيتي وجنتي الزهيّه
ياء
يذكرني الهوه لوهـــب شمالاي
يروحي بالذي فــــرگ شمالاي
يميني انشل بتر وكتي شمالاي
يمين أحلف قسمتي هــاي هيّه
لا
لا تبخل ورد خديـــــــك لالا
لا تنســــه وجنتك گمر لالا
لا لِتلوم خــويه اليحب لالا
لا تعتب عليه يزعل خطيّه
السلام
سلامي اِبشوگ لأهل الكساء والهم
محبتي وشأرد أوصف شكر والهم
الألم والآه والحســـــــــرات والهم
يزولن مـــــــن يمر طاريهم عليّه

#حسين_جهيد_الحافظ (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات