زهير دعيم
الحوار المتمدن-العدد: 2463 - 2008 / 11 / 12 - 08:02
المحور:
الادب والفن
خلّيني بقُربَك مِرتاحْ
واملا أيامي أفراحْ
أنا من دونَك يا يسوع
ريشة في مهبِّ الأرياحْ
ماءَك أطيّب من الرّاحْ
دمّك طهّرلي الجْراحْ
وغيّر قلبي من جوّا
وأعطاني ضمير فوّاحْ
إبليس من يومها سوّاحْ
مكسور الخاطر نوّاحْ
لمّا شَافني في بَحرَك
سبّاحُ وأشطر سبّاحْ
لن أنسى فادي الأرواحْ
كُلّ ما الفَجر طلّ ولاحْ
وزقزق عصفور الوادي
وديك الحارّة غنّى وصاحْ
مش لحالي بسرّو باحْ
من انجيلو الفِدا فاحْ
ونشرو على كلّ الأكوان
ورد ونِسرين وأقاحْ
#زهير_دعيم (هاشتاغ)
كيف تدعم-ين الحوار المتمدن واليسار والعلمانية
على الانترنت؟