حكايات شعبية من مدينة يثرب 16

حسين سليم
(Hussain Saleem)

الحوار المتمدن-العدد: 8232 - 2025 / 1 / 24 - 16:22
المحور: الادب والفن
    

( 18 )

دجاج ابو الهيل مو مستورد!

البارحة اكلت "زوري" بالغدا واحس جسمي ثگل واغفي. مرّ صاحبي الذي لم يعد يجمع الأفكار والأحاديث في تسلسلها ومكانها، بسبب تعذيب قديم، زمن النظام السابق.
- تفضل استريح!
بعد ما گلت "الله بالخير" بلش بالوضع العالمي وانا بس أكول اي، اي .. وعيوني سوربن وغلبهن النعاس، ثم عرج بدون سؤال إلى الوضع الإقليمي، وحين وصل إلى الوضع المحلي يبدو أيضاً ثگل وطگه النعاس. فزيت على صوت واحد ثالث يتابع الحديث: إذا هيجي نعسانين ما تروحون لبيوتكم تنامون أحسن، قابل هو اجتماع قمة مصيري! باوعنا عليه وضحكنا سوة.
گال: شايف مح بيض أحمر؟!
- كلشي بهل البلد ممكن. گبل من انطگ بيضة بالطاوة سابع جار يشتم الزفرة.
- هذا اخاف مو مال دجاج؟
- والله شمدريني. حتى أم الروبة من تجيبلي سطل لبن وآخذه للبيت أمي تگول: ما أكل منه أخاف مال مطايا! وبدأتُ مجاراته في الحديث:
- أنت شايف دجاجة وزنها سبع كيلوات؟! لو السمج اتحطها بالشواية، ومن تگلبها على بطنها كل اللحم يوگع ويبقى بس الجلد بالشواية.
- عيني هذا العلف كيمياوي أو يسمونه بروتين، ايجبون سمج من الخارج بطول الإصبع وينفخون بهاي المواد يومين اسبوع صار اكبار وينزلوه للسوگ.
- اكو نكته، يگولون واحد راح يشتري طبقة بيض عراقي،گله ابو المحل: والله ماعندي بس تركي وايراني وصيني. رد عليه الزبون : "چا شبيهن دجاجاتنا مسويات لولب، ما ايبيضن"!
- حتى النساتل كاموا يجيبون بيهن "مواد كيمياوية" و "مخدرات" ما تشوف جهالنا يومية مرضى!
- قبل عدنا "سيطرة نوعية" على المواد المستوردة، هسة ما كو ، ادفع السير ودخل البضاعة.
- حقول الدواجن والبيض، تعاني من الاستيراد والتهريب، وارتفاع اسعار مستلزماتها، ونقص كهرباء.
- إغلاق وإفلاس قسم منها، وفقدان العمل لكثيرين من عمال وسواق وغيرهم وإلها تأثير على الأمن الغذائي.
- هذا عباس ابو الدجاج يگول: يخلون ويه العلف هيل علمود نكهة اللحم تطلع طيبة!
- المرة الجاية إذا شفته بلكت توصيه؛ گله السيد يگول بلكت يخلون ملح وبهارات ويه العلف حتى البيضة تطلع جاهزة!
- هههه والله عندك سوالف سيد!
- اني لو انت؟

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل