حكايات شعبية من مدينة يثرب 2

حسين سليم
(Hussain Saleem)

الحوار المتمدن-العدد: 8108 - 2024 / 9 / 22 - 16:13
المحور: الادب والفن
    

(3)
الوطنية وتعديل قانون الأحوال الشخصية

قبل عقود كان لنا "هوية وطنية" جامعة لأطياف الشعب العراقي، لكن بعد 2003 تشظّت هذه الهوية إلى "هويات فرعية"، وهناك من يعمل على تجذيرها إجتماعياً "طائفية اجتماعية" بالتساوق مع البناء السياسي للنظام "طائفية سياسية" …هذا ما كان يدور في رأسي قبل أن يسقيني أول كأس شاي.
قلت له بعد أن ناولني الشاي: إن شاء الله تتزوج أربعة!
- بيش طالبني؟
- أنت سني وعندك علويّة، فلازم تأخذ بعد سنية، وكردية ومسيحية.
- سيد فوت حالي وحدة وما مدبر العيشة.
- حتى تصير عندك وحدة وطنية!
- تفضل أغاتي اليوم مزاجك حلو!
- وإذا الله سهل ومرّ التعديل بسلام، نضغط بعد أكثر بلكت يصير تعدد الزوجات على تعدد الطوائف!
- اي حتّى تتعمق روح الوحدة الوطنية!!


(4)
من وحي تحت موسى الحلاق

- سيد البارحة المعسل مالك، لا هو علج، ولا هو نعناع .. ما ادري شنو؟
- اي غير تجيبه، حتى ابدله الك!
- لا .. اسحكته.
- خوش لعد.
- بس اريد اعرف انت شمطيني؟!
- انت ذاك اليوم دوختني، واني مدوختني الكهرباء الوطنية، وكاعد برة ساعتين روحي طلعت بهل الحر، لما اجوا صلوحها، بعد مكالمات واخذوا المقسوم من الناس. انت گلت رايح يبيعون مسدسات انتاج محلي على المواطنين مع رخصة حيازة وحمل. بعدها اجوا رجال الأمن يفترون على المحلات لازم كل محل ينصب كاميرات!
- لعد شغلهم شنو؟
- المواطن يشتغل بمكانهم لاستتباب الأمن ومكافحة الجريمة والمخدرات.
- هاي الكاميرات لغوة، وراها طلايب عشاير وگاتل ومگتول، على بو اشلون عرفتوا.
- المهم سألتني على المعسل شنو؟
- اي بللة.
- انت شايف مسلسل "تحت موسى الحلاق" من "عبوسي" انطى بالغلط العرگ لاستاده "حجي راضي" وانطى الدوا لأستاذ "فاضل" بطرف المحلة.
- اي ههه.
- هو اليصار بيك مثلها، بدل ما أنطيك معسل علج ونعناع، أنطيتك معسل فواكه!

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل