حكايات شعبية من مدينة يثرب 9

حسين سليم
(Hussain Saleem)

الحوار المتمدن-العدد: 8167 - 2024 / 11 / 20 - 02:38
المحور: الادب والفن
    

(11)
ياخذون ما ينطون!

يمرّ عليّ بين الفترة والأخرى، افتقدته ما يقارب ثلاثة أسابيع، كان مريضاً. رجل كبير السنّ. عاش أيام القوميين والبعثيين حينما كانوا يرفسون الطماطم في الصدرية، بسبب لونها الأحمر!
- استريح حجي!
- ربي يحفظك، انت طيب، وگلبك چبير، أحبّ اجي يمك! عينك مليانة من الدنيا.
- هلة يابا ومية هلة.
- اليوم جيت أدخن يمك واشرب چاي، الدكتور منعني من الدخان، وصار التدخين عندي مغافل، بالبيت ما يخلوني ادخن!
- غير يخافون على صحتك!
- هو اشبقى بالعمر؟!
- العمر الطويل الك حجي، انتم البركة الباقية.
- سألت عنك، گالولي شوية تعبان وبالبيت.
- اي صرت أحسن، واليوم اجيت.
- سيد! اريد اسألك عن التعداد؟ شني الاسئلة؟
- يعني الاسم، المواليد، العمل ومصدر العيش، السكن، ايجار او ملك…؟
- وشنو الفايدة؟ كون واحد يگول ماعندي بيت يطوه گاع، واحد ما عنده راتب، يشگلوله راتب.
- ما كو هيج حچي. هاي يبنون عليها خطط اقتصادية وانتخابات، ويطورون البلد، على ضوء عدد البشر والمعلومات اليجمعوها.
- زين اني يصير اگول كاسب؟
- ليش كاسب؟
- مو اخاف يأخذون التقاعد مالتي؟
- ليش؟
- أني يسموني متقاعد مستفيد، توفت مرتي وصار التقاعد إليّ.
- زين أنت ما عندك شغل سابق.
- چنت اشتغل بمصلحة النقل، عندي خدمة 13 سنة، وبالجيش مكلفية 6 ب 6 ، هاي صار مجموعها 25 سنة مال تقاعد.
- اي ما راجعت؟
- طردوني، گالوا الاضابير محترگة.
- ما راجعت النقابة؟
- يا نقابة سيد، صايرة أشكال ألوان، حتى اساميها متغيرة.
- لعد اكتب متقاعد أحسن من كاسب؟
- ليش بيه شي إذا گلت كاسب؟
- تقاعدك رسمي، مو فضائي مثل البقية، والكاسب قد يكون وارده أكثر من التقاعد، انت تقاعدك يدوب يكفي الطبيب والأدوية. بعدين ذولة ما وراهم شي لا خطط تنموية ولا هم يحزنون،لا عدالة اجتماعية ولا انتقالية، فلا تخاف من تگول الهم متقاعد.
- أنا گلبي يلعب، هذولة ياخذون ما ينطون!
- أي هم صدگ، ههه، بس ياخذون!

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل	حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل