حكايات شعبية من مدينة يثرب 13

حسين سليم
(Hussain Saleem)

الحوار المتمدن-العدد: 8200 - 2024 / 12 / 23 - 16:15
المحور: الادب والفن
    

(15)
سيحان طبقي!

لم أذهب للمحل ذاك اليوم، عندي مساعد يشتغل، أو بالأحرى "متدرب" سيستلم المحل من بعدي. اتصل بي عبر الهاتف:
- هذا مندوب شركة المعسل ذب بضاعة وين اسجلها؟
- عندك دفتر (سجل) مكتوب عليه(طبقة الموردين والتجار)
- خوش!
لدي "مساعد ثاني"، عنده محل لصيق لمحلنا، أيضاً يساعدني في العمل، وفي نهاية الشغل يرافقني إلى أن أصل قريب البيت يومياً، ثم يذهب. دار حديث بينهما (المساعدين) في فترة غيابي:
الثاني: هو مو گلگ اتصرف بالمحل، مثل صاحب مُلك!
الأول: ما اگدر هسة اتصرف إلا لما يسافر.
الثاني: زين نظم المحل ورتبه.
الأول: ما اگدر هو مسوي المحل مثل مكتبة أو جريدة. هاك شوف الكتب، الدفاتر ، الكومبيوتر ، الطابعة، هو محل مال جكاير ومعسل لو مكتب، يومية تكثر بيه الكتب!
- زين الكتب افتهمناها، الدفاتر ليش هواية؟
- الكتب وصى واحد يجي يشتريها، وهاي الدفاتر مال الديون.
- خوش ليش مو دفتر واحد؟
- الناس تعلمت على الديّن، واحد يداين من الآخر، وكلهم عايشين على المواعيد وفرج ربك، الدولة والشعب مستهلكة غير منتجة.
- أي اقتصاد ريعي وحيد.
- الدولة رغم واردات النفط عايشة على الدين، اسمها مديونة، داخلياً وخارجياً.
- مثل ما گالوا رجعونا إلى عصر ما قبل الصناعة، أتصور الحلاق استأجر كراسي وطبلات من محل التأجير ، ما عنده يدفع، اتفقوا يزين ابو التأجير وأولاده لنهاية الصيف الجاي بدون اجرة.
يبدو جاء زبون يسدد قسم من الدين الذي عليه.
واتصل (المتدرب) بي عبر الهاتف أيضاً:
- اكو واحد دفع خمس تالاف من الدين.
- اي شوف اسمه باي دفتر؟
- مالكيت اسمه.
- اسأله شيشتغل؟
- عامل بالسوگ.
- اي اكو دفتر مكتوب عليه (العمال)، هم بالحقيقة مو عمال منتجين (كسبة) بس احنا نسميهم عمال، لأن عمال الإنتاج تحولوا إلى متقاعدين.
- خوش. اي اكو علي عمالة ، حسون صحية، جاسم مولدة، اي لگيته عباس ابو المخضر.
- انت إذا ما تعرف الزبون، اسأله شيشتغل، إذا گلك متقاعد، اكو دفتر مكتوب عليه (متقاعدين) وإذا طلع رعاية اجتماعية اكو دفتر (رعاية)واكو عندك بعد دفتر (شرطة وجيش)ودفتر (اهل البسطيات)
- والنساء والفلح والعطالة بطالة؟
- ذولة كلهم بدفتر واحد (متفرقة)، من يتحول إلى شغل ثابت ومدين ثابت بمعنى "طبقياً يرگد" ينقل إلى دفتر "طبقي"
- اجت مرية أخذت بالدين، گالت ضيفه على الحساب! گلتها بيا اسم ؟ گالت " ابو جبار"!
- اي النسوان يسمن بأسماء الرجال، بعدين إذا كثرن وثبت الدين، اتسويلهن سجل (الجندر) وعندك اكو دفتر (جماعة 56).
- ليش 56 ؟
- هذولة ما يدفعون، نركض وراهم وبس يدورون على طلايب عشاير.
- شنو هذا تقسيم طبقي؟
- من الناحية النظرية تگدر تگول "تقسيم طبقي" بس بالواقع هو "تقسيم رث" او "طبقات رثة" غير منتجة، واقع حال، حتى الأحزاب عدنا، تركيبتها لم تعد طبقية.
- يعني؟
- "سيحان طبقي".

#حسين_سليم (هاشتاغ)       Hussain_Saleem#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل