تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

مترتباله

ضياءالدين محمود عبدالرحيم
مفكر وداعية اسلامي و اقتصادي، مطور نظم، مدرب دولي معتمد، وشاعر مصري
(Diaaeldin Mahmoud Abdel Moaty Abdel Raheem)

الحوار المتمدن-العدد: 7538 - 2023 / 3 / 2 - 10:20
المحور: الادب والفن

اصله من الارياف فلاح
يأكلها بدقة او بعيش حاف
موحد ربه ،غيره ما بيخاف

شغال عامل في مدرسة إعدادي
خادها بعد ابتدائية
وساعات بعد الثانوية او الكلية

لما يترقى يروح مدرسة ثانوي
يروح مديرية
وساعات عامل في كلية
وبرضه الرك ع النيه

من الصبح يشتغل وينادى
وينشد مع الطابور
يا بلادي يا بلادى

ينضف جامع مدرسته
ببلاش ابتغاء مرضاة ربه
ويا هناه على اللي حا يشوفه
ويا سعده

موحد ربنا بيخافه ويخشاه
ريس في نفسه وعزيز عصره
أصل العزة لله وللمؤمنين وياه

يربى ولاده حلال
لا تتدنى ولا شحت
ولا اتذل لغير مولاه
لا باع ولا فرط في عرض
ولا قيراط أرض ولا مال
ولا لحظة عن سكته مال

شريف ونزيه من يومه
ملك نفسه وملو هدومه
ما هيش بالكم والجسم
دي نزاهة وخير واخلاق
ورجولة، ربنا يعينه

ميعرفهاش دي السكة
سكة ولاد أبو سهولة
وسيولة وكفالة كافولة

لا اندين ولا انحوج لغير مولاه
أصيل أصلى على ابوه
يا سعد اللي ربوه

واقف صالب طوله
راجل قد قوله
كلمته بسلاح
ايده معروقة بكفاح
واثق في ربه اتربى ع العزة
اصلها لله وللمؤمنين وياه

لا يعرف نت ولا يوتيوب
لكن يعرف من الانبياء أيوب
سعات اخرس ميتكلمش
وسعات ينطق عشان بيحس

وساعات من الخمسة في المية
وهو مية على مية
سواء بيفك الخط
او متعلم في كلية

تحس انك واقف امام زنهار
قد الدار وايده تهد جدار
لا زور مستند ولا باع
ولا كدب ولا جبن ولا جاع
ولا اشتغل في يوم خداع
ولا بتاع

في الآخرة أصلها
ماهيش بكراسي
لو تعب يوم
دا انا اشيله على راسي
يحط راسه ينام
لا سرق ولا ارتشى
ولا زور ولا هان
ولا اشتغل في يوم سجان

ايده كلها طباشير ،كلها تباشير
أصله من الحصة ومن شبشير
وم المحلة الكبري ومن شبرا
وم الصعيد ومن بنها
وم المنوفية والقلعة

ومن مطروح وميت حلفا
ومن دماط والسنطة ومن زفتى
ومن طنطا ومن طوخ
وعزبة طوخ وم الواسطة

ومن بني مزار في المنيا
ومن كل الجمهورية

تقيل وراسي ورزين من يومه
والدنيا يشوطها بقدومه
لا وراه ولا قدامه
لكنه عزيز النفس وهيبته سبقاه
اصل الغنى غنى النفس
مش حشو جيوب وخلاص

خير الدنيا كلها جواه
كريم مضياف
ويلومني ساعات افتكره
وساعات ناسي
هو والمخلصين وياه
دا انتم على راسي

ومربوطين زينا على أساسي
وسعات زهرات
وساعات منسي وساعات ناسي
من الفجر يبتغي رضا مولاه
مضيت كتير وياه

واقف ثابت على أساس
ده عزوتي وناسي
ومربوط زينا على اساسي
وساعات منسي وساعات ناسي
لا يهتز ولا بيخاف
اصله من الارياف

#ضياءالدين_محمود_عبدالرحيم (هاشتاغ) Diaaeldin_Mahmoud_Abdel_Moaty_Abdel_Raheem#

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن
في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل