بالمجهود

خالد محمد جوشن
محامى= سياسى = كاتب
(Khalid Goshan)

الحوار المتمدن-العدد: 7456 - 2022 / 12 / 8 - 12:37
المحور: الادب والفن
    

دخلت غرفة المحامين لتصوير ورق والراحة قليلا ، جلست فى مواجهة محاميان يتبادلان الحديث .

القيت عليهم السلام وانا اهبط على الكرسى المواجه لهم ، وكأنى انفض اعباء عمل اليوم ، نظر لى المحامى الايسروقال الواحد تعب يا استاذ ؟

قلت له تعب فين يا يا باشا انت لسه صغير على التعب ده .

اجابنى صغير ازاى ؟ ده عندى سبعة وخمسين سنة وانت عندك كام سنة ؟

عندى خمسة وخمسين سنة ، خشيت ان اقول له العمر الحقيقى ، وقمت من فورى وجلست فى مواجهته مباشرة وشعرت اننى امام كنز ادمى وحوار شيق لن ينتهى .

وانا ارتب مقعدى الجديد جاءت محامية اربعينية تلطخ وجهها بالمساحيق وجلست بجوارى ، نظر اليها نظرة شبق ، انا اعرفها وقال بصوت خفيض لى ، الواحد لما بيشوف أمراة بيتجن ويكاد يقفز عليها .

ويبدو ان المحامية قد سمعته فقد قامت من مكانها وانتحت مكانا بعيد وجلست فيه تكمل عملها ؟

دهشت من قوله بالحرمان وقلت له انت مش متجوز ؟ قال متجوز وعندى ولاد بس ما بنامش مع مراتى ابدا مفيش مكان ؟

يعنى ايه مفيش مكان ، شقتك صغيرة ؟ قال لا ثلاث غرف وصاله ،،،،، بس العيال على طول صحيين اربعة وعشرين ساعة .,ومستوليين على الشقة كلها ، وولدين بيناموا معايا ، ومراتى بتنام مع بنتها فى اوضتها ، والولد الكبير حبيب امه مستولى على غرفة لوحده .

لقد نسيت أمرأته انه رجل وانسان وله مطالب وانهمكت فى اولادها ، ولم تسعى الى توفير المكان والزمان المناسب لها وزوجها ليلتقيا ، لقد تجاهل اولاده ايضا مطالب ابيهم وربما لم يرد بخاطرهم هذا الامر اصلا .

لقد تحول الاب فى نظر أمراته وابنائه الى بنك ينفق عليهم ، واستسلم الرجل الى مصيره وطفق يوزع نظرات نهمه وشوقه على النساء الذين يلتقيهم .

تاملت الرجل مرة اخرى ، ضخم القوام نسبيا شعره اشيب تماما ، لكن حاجباه اسودان ، يميل الى السمار الداكن ، وانا مستغرق فى تحليله ، قال لى قولى اعمل ايه بس يا أستاذ ؟

اعتدلت فى مجلسى واتخذت وضعية الناصح الامين وقلت له اتجوز ،

منين ؟ قالها متنهدا

قلت له شوف واحدة مريشة عاوزة تعف نفسها وانت ادخل بالمجهود ، بس علشان تعمل كده عليك بصباغة شعرك .

قال متعجلا مش لاقى واحدة فيها المواصفات دى ، دورت مش لاقى ، الى عاوزة شقة ، والى عاوزة مهر ، قلت له هات تليفونك وسيب لى الموضوع ده .وانا هشوف لك عروسه .

تبادلنا الارقام ، وشغلتنى الحياة ، فوجئت به يرن بعد ايام يسألنى لاقيت واحدة مناسبة ؟

اتكسفت اقول نسيت ، قلت له بشوف وفعلا هشوف ، وما زلت بشوف ، حد عنده عروسة مريشه وشقة ، صاحبى يتجوزها ويدخل هو بالمجهود ؟

#خالد_محمد_جوشن (هاشتاغ)       Khalid_Goshan#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل