قصيدة (آه يكَلبي)

حيدر حسين سويري

الحوار المتمدن-العدد: 7453 - 2022 / 12 / 5 - 17:25
المحور: الادب والفن
    

آه يكَلبي
الضيعت من اجله عمري
بلحظه ضاع وياه تعبي
آه يكَلبي
ابتليت وياك تدري
تيهتني بوسط دربي
لو اجيك بلهفه واحچي
تصد عني تگول حربي
مني تزعل مدري ليش
تگول چن الذنب ذنبي
هو جذر الشجر ينبت
لو حضن گاع اليربي
انت صوچك من هويت
لا تداري ولا تخبي
انت تيهت المشو لمن مشيت
الناس تركض وأنت تحبي
هي دنيانا غريبه
وأنت فوگ الدنيا زايد بيك عجبي
حيرتني وياك
اريد وما أريد
شرقي أنه وأنت غربي
چنت أظنك كل حياتي
سولتي بدنياي انت وصرت لعبي
لكن الاقدار تحكم
سيدت مملوك والحر صبح مسبي
امداها الدنيا غبره
البيها حاسد بالحقد گلبه معبي
الصافحت ناس الحقيرة
واسد صار الچان چلبي
آه يگلبي
ترى حچي هواي عندي
وين الكَه الي يفرزن لو ينبي
آه يگلبي
هذا دائي وعلتي
چا وين طبي
................................ 5/12/2022

#حيدر_حسين_سويري (هاشتاغ)      

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات