شايفينكم..وفاهمينكم وحاسين بيكم!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7198 - 2022 / 3 / 22 - 23:05
المحور: الصحة والسلامة الجسدية والنفسية
    

والله فاهمينكم..وعزة جلال الله عارفينكم كويس وحاسين بمشاعركم!
- ياللي بتلعبوا على الحبلين وبتوقعوا ما بين الناس..وبتنقلوا كلام من هنا وهناك..ومعندكمش وازع أو ضمير أو إنتماء إلا لأنفسكم: هييجي يوم وتجنوا كل إللي زرعتوه (وبتزرعوه)!
- ياللي بتلسنوا على خلق الله وتطلعوا إشاعات عليهم: لو حد اتأمل حالكم وحب يتكلم عنكم "هيحتار يبدأ من فين!"
- يا كل زوجة متعالية مغرورة بتنكد على جوزها ومش عارفه تحتويه..ومش عارفه توصله أو قادرة تتصالح معاه: كل ما تزودي الجرعة هتعجلي بخراب بيتك!
- يا كل زميل عمل متعالي متكبر مش طايق نفسه أو الناس ومش قادر يتصالح معاها أو معاهم أو حتى يتنازل ويسأل عن أصحابه ويرد على مكالماتهم أو يتعامل معاهم بإنسانية وذوق.. ولا هاين عليه يقف معاهم في أوقات الشدة والمحن أو حتى يجاملهم في أوقات الفرح: كله مردود بإذن الله..وكما تدين تدان! وهييجي يوم مش هتلاقي حد حتى يعزيك في أقرب الناس ليك! وأحب أقولك: فيه فرق شاسع ما بين الكبرياء و"عزة النفس" من ناحية - والتكبر والغرور أو "العزة بالإثم" من ناحية تانية..
- يا كل واحد فضولي حشري سليط اللسان مش قادر (ومش عارف) بخليه في حاله ويسيب غيره في حاله وحاشر مناخيره في كل حاجة - كبيرة وصغيره: مسيرك في يوم تلاقي الناس لما تشوف خلقتك يقولوا - بصوت عالي: "أعوذ بالله من الشيطان الرجيم..حسبي الله ونعم الوكيل"! هذا غير ما سيقال عنك بعد أن "تنفق" وتقبر - ويسير عليك ما يسير على كل خلق الله منذ قديم الأزل وحتى يرث الله الأرض ومن عليها..
- يا كل واحد صغير..تفكيره محدود: هتفضل طول عمرك صغير..ومش حتلعب إلا في البدروم (أو نادي "الصعاليك")..وعمرك ما هتكبر أبدا ولا حد هيعترف بيك أو يحترمك! وزي ما بيقولوا: "فيه علاقة عكسية بين العقل و اللسان ؛ فكلما كان اللسان طويلا بان العقل صغيراً"
- يا كل حد بتاع مصلحته يرفع شعار "اهبش..اخطف.. واجري": الناس فهمتك كويس وبره نطاق المصلحة ، مش هتلاقي حد يهوب ناحيتك أو يقدرك..وهييجي وقت مش هتلاقي حد حتى يرفع سماعة التليفون ويسأل عليك..لأن الناحية الإنسانية مش عندك خالص..ومش عامل حساب اليوم إللي المصالح هتخلص فيه!
- يا إللي بتتحدوا إرادة ربنا وعاوزين تمشوا الكون كله حسب هواكم: "الله أكبر..الله أكبر..الله أكبر"

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل