أجمل (وأنقى) وأطهر شعور في الدنيا..

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7185 - 2022 / 3 / 9 - 00:14
المحور: الصحة والسلامة الجسدية والنفسية
    

لما تدعي - بظهر الغيب - لحد إنت بتحبه (وواثق إنه بيحبك في الله وحاسس بيك)، وبيبادلك نفس المشاعر الصافية النقية الخالية من أي رياء أو نفاق أو مصالح دنيوية زائلة.. عايل همك وبيدافع عنك وبيرد غيبتك..ويسندك دايما ويخدمك من غير ما تطلب أو حتى يقولك على إللي عمله علشانك من غير ما تعرف!! (كريم - لا يمن - صبور - يعذر ولا يتضجر - طيب راقي مهذب - خير بفطرته)..بيتعامل برقى وإحترام - دون استخفاف أو إهمال أو سوء تقدير.. تكبره وتقدره، يفهم الإحترام (صح)، فيكبرك ويقدرك (أضعافا مضاعفة).. أخلاقه عالية (ابن ناس) عمره ما يفكر في إيقاع الأذى (الضرر) بيك (حتى لو اختلفت معاه).. تفاجأ إنكم بتفكروا في نفس الحاجة في نفس الوقت (ويا للذهول لما تلاقيه ناشر نفس الشيء على صفحته - أو فكر ينشر شيء مماثل - في نفس التوقيت بالظبط!!! توارد خواطر غريب وعجيب)!!!
شخص مباشر متواضع وبسيط (غير متكلف) في علاقته معاك.. تحب تقعد معاه وتكلمه (كإنك بتكلم روحك بالظبط) لأنه مخلص (وفي) عمره ما يخون أو يغدر.. شخص علاقاته مع الناس مش وقتية.. مش من النوع إللي يخطف مصلحته ويجري.. عامل زي الجنيه الدهب والعملة النادرة في هذا الزمان.. تحبه في الله دون غرض.. هؤلاء هم ملائكة البشر.. دمتم لي أعز وأغلى كنز في الدنيا.. طول ما إنتم بخير وفي أحسن حال، فأنا مبسوط.. كفاية إننا حاسين ببعض - مهما بعدتنا الحياة ومشاغلها وهمومها.. كفاية إنكم دايما بتحرجوني بذوقكم ورقيكم ودماثة خلقكم.. كفاية إن عمري ما شفت منكم حاجة وحشة.. كفاية إنكم دايما في القلب.. كفاية إن كل ما أشوفكم (أو تيجي عيني على صوركم)، ابتسم وأحس إن الدنيا لسه بخير.. كفاية إني بأتعلم منكم كل يوم شيء جديد.. دمتم بخير ودامت المودة بيننا..
خالص تحياتي

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات