همسة اليوم: لحظة من فضلك!!

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7186 - 2022 / 3 / 10 - 00:52
المحور: الفلسفة ,علم النفس , وعلم الاجتماع
    

فيه حكمة بتقول: "قد تتمكن من خداع بعض الناس لبعض الوقت.. لكن لن تستطيع أبدا أن تخدع كل الناس كل الوقت!!"
أحيانا أقعد أفكر مع نفسي كده، وأبتسم...
لما أفتكر قد إيه إللي قدامي كان سعيد ومنتشي..
وهو معتقد إني طيب قوي وساذج لدرجة إني صدقته!!
ما يعرفش إني كنت بآخده على قد عقله...
وكنت فاهم كل حاجة، بس بأمثل إني مسدقة...
وأسيبه يكمل المسرحية (الهزلية) دي وهو فاكر إنه قدر يستغفلني..
أو إنه قدر فعلا يثبتني بكلمتين ويضحك عليا (ده الإنجليز نفسهم - وهما أخبث خلق الله - ما قدروش عليا في عقر دارهم.. إحنا هنهزر؟!!)...
ويسوق فيها (على هذا الأساس).. ويكمل اللعبة..
وأنا (من جوايا) أضحك..وأسوق فيها برضه..
َوأخليه يستلذ بكده ويستمتع ويعيش اللحظة..
لغاية لما أفوقه بدرس (قاس) عمره ما هينساه!!
- يا "بتاع مصلحته" وإجري: فاهمك كويس قوي من أول لقاء!!
- يا "أناني" (أنا وبعدي الطوفان): حفظتك خلاص!! ومليت من زنك وإندفاعك وتوترك في سبيل تحقيق كل مآربك ورغباتك على حساب أي شيء آخر (حتى لو كان التقدير الإنساني وخصوصية الغير) وممكن تبتز إللي قدامك عاطفيا (تتمسكن) علشان تاخد (بسيف الحياء) حق غيرك (مش حقك)!!
- يا بتاع "إللي تكسب به إلعب به": أنا مش غبي ولا ساذج.. ده إحنا "عشرة عمر"!!
- يا "إللي بتقطع مرة واحدة مع الناس (من غير سبب واضح) ودايما غامض - ما ليهش رأي أو موقف - ولا بيقدر حد ولا بيتصل بحد، إلا بس لما يكون فيه مصلحة.. أو يزور حد غير لما يكون مدعو في حفلة هزار معمولة على حد": ما تتعبش نفسك تاني، أكيد خلاص عملتلك" بلوك".. علشان مش بأحب الميوعة وقلة الأصل.. كرهت ابتسامتك الساخرة (الخبيثة).. كرهت طبعك المتعالي (غير الناضج) إللي يخليك عاوز تهزر مع الناس وتتريق عليهم من غير ما تسمح لحد يهزر معاك.. خلاص سقطت من نظري من زماااااااان بعد ما بعتني بأرخص سعر.. خلاص عمري تاني ما هأقدر حد ما بيقدرنيش.. اسمها (علاقة) إنسانية.. يعني (تبادل) وندية في كل حاجة.. كان ممكن تكبر في نظري ١٠٠ سنة لقدام، لو جبرت بخاطري يوم.. أو تواصلت معايا لما كنت في أزمة (مع إني طول عمري ما قصرت معك في شيء) .. بس الظاهر ما كنتش أساوي عندك أكتر من "مترجم" تلجأله لما تكون محتاجله.. وبما إنك خلاص مش هتحتاجله تاني، يبقى خلاص.. يغور في داهية!! ألف مليوووووووون شكر.. جبرت بخاطري - وخلصت خلاص..
- يا إللي "واخد كل حاجة تجارة وشطارة": كفايانا لحد كده!! ما عنديش حاجة ممكن أقدمهالك.. ولا بأفكر في مشروع ولا أي حاجة.. أنا اخترت من زمان إني أبقى "أستاذ جامعة" وبس.. ما بأعرفش أركز في حاجتين مع بعض (في نفس الوقت)..دي طبيعة عندي (ولا يكلف الله نفسا إلا وسعها) ولا عندي أي طموح مادي.. ولا تعامل مادي مع أي حد.. طموحي "علمي" أكاديمي وبس.. والحمد لله فيه أساتذة كتير قدوة لي في الناحية دي (الإنشغال بالعمل الأساسي كأستاذ جامعي).. ربنا يوفقكم ويرزقكم ويزيدكم من فضله وييسرلكم الأمور (بس بعيد عني)..
- يا "شتام يا بذيء": قوة الشخصية مش بالصوت العالي وإهانة خلق الله.. حاول تصلح من نفسك وتتعامل بطريقة محترمة شوية.. الإحترام هيزود من رصيدك - خصوصا لما يكون جواك حد طيب بالفطرة إللي في قلبه على لسانه! للأسف "شجرة الجميز مش ممكن تطرح موز"!! ..
- يا إللي "بتتجسس وبتنقل كلام هنا وهناك": خلاص بقت موضة قديمة لأن أمثالك انقرضوا من زماااااااان بعد ما لفظتهم الفطرة السليمة!!
- يا "قليل الذوق يا متخلف إنسانيا ياللي تحب تفرض رأيك ونفسك عالناس وتاخد الحاجة بالعافية أو بسيف الحياء": لو شفت البني آدمين (الراقية) بتتعامل إزاي في بيئات محترمة (صحية) فعلا تراعي (خصوصية) الناس وعندها خطوط حمرا لا يمكن تجاوزها، كنت كرهت نفسك وانتحرت من زمان.. وعرفت إنك كائن (سادي) بغيض معدوم الإحساس (والضمير) - شتان ما بين ظاهره وباطنه.. لا يملك سلاحا (أو رصيدا حقيقيا) إلا كلاما (معسولا) وشوية معلومات وإشاعات ببستغلها في وقتها (ضد أي حد يختلف معاه أو يعاديه).. ومهما سمعت عن الرقي والتحضر (والمجتمعات الراقية)، هتفضل برضه طول عمرك (تافه) لاسع كده.. لأن "إللي شاف غير إللى سمع"!!
- يا "محراك الشر يا مسخناتي يا موقعاتي يا لئيم": اتهد بقى واتلم.. الناس كلها فهمتك وجابت آخرها منك ومحدش بيقول قدامك أي معلومة خلاص أو يأتمنك على سر!! ولا حد هيقف معاك أو يسندك لما تقع في شر أعمالك.. نفسي تخليك في نفسك وتركز في حالك.. ما تصغرش نفسك أكتر من كده!! وبعدين مسيرك تدوق من نفس الكأس.. و(الشر) إللي بتعمله (ومتفرغله) ليل ونهار، مسيره يتردلك ويتقلب عليك.. طول عمرك هتعيش كده واطي (من غير مبدأ أو توجه واضح).. ولا عمرك هتبقى راجل (محترم) صاحب موقف وليه كلمة.. واضح ما يلعبش عالحبلين.. "ستحصد ما جنيت".. فربك منتقم جبار (والجزاء من جنس العمل).. وحسبي الله ونعم الوكيل!!!
You ll reap what you sow!!
- يا "برجماتي يا تافه يا إللي مقضيها تليفونات ورغي وعايش حياتك بالعرض ومشتت نفسك بين مليون حاجة" (ياللي كل علاقاتك نفعية وقتية مش بتراعي مشاعر أو عشرة): مهما حاولت، ما حدش فينا بياخد كل حاجة - ولا أي حاجة غير المكتوب.. احترم سنك ووضعك وخليك واقعي شوية.. وبلاش تضغط عالناس أكتر من كده.. هتلاقي كتيييير بطل يرد عليك أصلا!! الناس اتشغلت أكتر بحياتها ومصالحها، وما عادش حد فاضي يرغي معاك بالساعة والساعتين زي زمان ويلت ويعجن في مواضيع فاضية أصلا - لا طائل من ورائها!! الناس دلوقتي بتقول: "يا حيطة داريني".. وكتير منهم عايش دلوقتي بمبدأ: "الباب إللي يجيلك منه الريح.. سده واستريح".. محدش بقى ناقص عك ومشاكل وحوارات ملهاش لازمة.. ربنا يكون في عون الناس (كل واحد فيه إللي مكفيه)!!
- يا كل "معقد موسوس مهووس بنظرية المؤامرة ما يعجبوش العجب": خليها على الله وما تشغلش نفسك كتير بالكلام الفاضي ده.. إنت مش مركز الكون (زي ما تتخيل) وما حدش بيدبرلك حاجة ولا شاغل نفسه بيك أصلا..لو تأملت شوية (وفكرت بموضوعية أكتر)، ممكن تكتشف إن المشكلة فيك (إنت).. إنت إللي شاغل نفسك بإللي الناس بتقوله عنك.. لو واثق أكتر من نفسك، مش هيهمك حاجة.. وبعدين مش معقول الناس هتسيب مصالحها وتتفرغ لمراقبتك وتتبع خطواتك.. اطلع إنت بس لفوق (لمستوى الناس) ومتبقاش محلك سر، وهتلاقي الأمور فرقت جامد معاك.. والدنيا بقت حلوة وجميلة وهتتشغل أكتر بمهام ومسئوليات كتييييير ومش هتلاقي وقت تفكر في حاجة..

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل شاكر الناصري، أحد مؤسسي الحوار المتمدن	حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل