علامات حب أو كره الزوجة لزوجها

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7197 - 2022 / 3 / 21 - 21:03
المحور: الفلسفة ,علم النفس , وعلم الاجتماع
    

بقلم: د/ محمود محمد سيد عبدالله (أستاذ جامعي وكاتب مصري)
- لو بتحبه: هتقدر كل حاجة بيعملها علشان خاطرها ولبيته وأولاده.. أما لو بتكرهه، فمش هتقدر حاجة ولا هتشوف فيه أي ميزة وتتلكك علشان تتخانق معاه وتنكد عليه.. ومش هترضى عنه - حتى لو قادلها صوابعه العشرة شمع!!
- لو بتحبه: هتحترم رأيه وما تسيطرش عليه.. ولو اختلفت معاه، تختلف بحب واحترام (ثقافة الإختلاف) وتقدر ظروفه وما تبقاش شخصية عصبية تصادمية مستفزة.. أما لو بتكرهه، بتبقى عاوزة تمشي رأيها وتنكد عليه لو كلامها ما مشيش.. وتتكلم بطريقة (جافة) مستفزة خالية من أي ود أو إحترام!!
- لو بتحبه: تبقى قنوعة وتحمد ربنا على نعمه التي لا تعد ولا تحصى وعلى نعمة الستر والصحة وعدم الإحتياج للناس وتفتكرله حاجات كويسة عملها معاها (أولها وأهمها إنه اختارها وسترها وفضلها على نساء كثيرات أحسن منها، وحارب الدنيا كلها علشان يرتبط بيها وضغط على نفسه كتير لما كانت ظروفه صعبة علشان يفتح بيت وإداها شبابه وعمره فربنا أكرمهم وإداهم فرص ما كانتش تحلم بيها لو ارتبطت بحد تاني).. أما لو بتكرهه، هتطمع وهتتمرد وتقارن باستمرار ما بين عيشتها وعيشة صحباتها ومستواهم المادي وما تبصش على الأقل منهم (ماديا) وما تحمدش ربنا إن إداهم أربع حيطان ملكهم يلموهم ويستروهم (أيا كانت حالة السكن).. ومش هتفتكرله غير عيوبه وَنقائصه وسيئاته (يكفرن العشير)!!
- لو بتحبه: عمرها ما تطلع سره بره أو تحكي حاجة تخصه لصحباتها أو تجرح فيه من وراه.. أما لو بتكرهه، هتبان على حقيقتها من أول خلاف.. وهتتعامل معاه كأنه عدو دون مراعاة لعشرة أو ذرية!!
- لو بتحبه: هتحب أي حاجة هو بيحبها.. وتحاول تجتهد علشان توصله.. وهتتفهم مشاعره.. وتكون أول المعجبين بفكره.. لكن لو بتكرهه، مش هتعلق على أي شيء حلو أو كويس فيه.. ومهما عمل من خير وإنتاج، مش هتقوله كلمة حلوة واحدة تشجعه بيها على السير في نفس الدرب.. ويبقى كل همها إنه يغلط وتتصيدله الأخطاء علشان توبخه (بشكل مستفز) وكأنه طفل صغير - دون مراعاة لمشاعره..وقد تجرح كبربائه بأقوال وأفعال لا ترضى الله ورسوله..
- لو بتحبه، هتحتويه وتفهمه وتخليه يحكيلها عن أي شيء (بكل حب وإهتمام).. لكن لو بتكرهه، هتخليه يبعد عنها َوالفجوة بينهم تزيد مع الوقت.. ويكره يتكلم معاها في أي موضوع.. وما تبقاش "السكن" بالنسباله..وهتبقى آخر حد ممكن يحكيله عن أي حاجة!!

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل