خلوا بالكو!! نصيحة لوجه الله..

محمود عبد الله
أستاذ جامعي وكاتب مصري
(Dr Mahmoud Mohammad Sayed Abdallah)

الحوار المتمدن-العدد: 7188 - 2022 / 3 / 12 - 00:56
المحور: الصحة والسلامة الجسدية والنفسية
    

خلو بالكو (على رأي واحد صاحبنا ممثل كبير قوي): علشان ما حدش يقول ما حذرتناش!!
خلو بالكو من الناس الفاضية إللي عاملين نفسهم "مصلحين" دول وبيحلوا مشاكل الناس (الزملاء) في أي مكان (مؤسسة).. إللي بيستمتعوا بإنهم ينخربوا ويستقصوا ويستضيفوا فلان وعلان ويواجهوا ده برواية ده ويحلفوا ده إنه قال على دكها ده ولا لأ.. ويلتوا ويعجنوا ويضيعوا وقتهم (ووقت الناس) في كلام فاضي مش جايب همه - ولا هما بيحلوا (ولا بيربطوا)!!
دول - من خلال تجارب كتييييييييير قوي - هما المشكلة الكبيرة - أجاركم الله منهم!! ليه؟! قلتلي "ليه" (عشان تبقى عارف).. دول بيتدحلبوا (بفضول شديد ونهم كبير وغريب بالمعرفة) علشان يعرفوا تفاصيل أكتر (منك ومن غيرك) علشان يعملوا منها قاعدة بيانات database كبييييييرة علشان يضغطوا عليك (وعلى غيرك) بيها فيما بعد (اسمع كلامي بس).. دول مدرسة "سيديهاتك معايا" أو" ملفك في الدرج.. لو عملت كذا، هأطلعهولك".. وأعتقد كلنا أذكياء بما فيه الكفاية ونقدر نميز ما بين صاحب النية السليمة (النقي) الطيب المباشر جابر الخواطر إللي عاوز يصلح من ذات البين (بوازع دينى وأخلاقي وإنساني) وينشر الود والتسامح والسكينة والصفاء بين الناس، وواحد تاني "خبيث" (مكار) مش سهل..يدحلبك ويجرجرك (علشان يوقعك) في الكلام... كلامه الحلو المنمق (والمزوق) بضاعته وصنعته من زماااااان.. يقولك كلام حلو قوي يكيفك ويدخل دماغك (يعطيك من طرف اللسان حلاوة.. ويروغ منك كما يروغ الثعلب)!!
تلاقيه متخصص قوي في سحب الكلام منك (خصوصا فيما يتعلق بحياتك الشخصية والإجتماعية وعلاقاتك مع الآخرين شكلها إيه).. ما ليهش صاحب أو إنتماء لحد غير لنفسه.. بياع كلام ممكن يقولك كلام يبسطك قوي عن الطرف الآخر وتحس إنه متعاطف معاك.. ويعمل نفس الحكاية مع الطرف الآخر: يقوله كلام عنك يخليه مبسوط منه ويحسسه إنه معاه ضدك وإنه مش عاجبه حالك..
وممكن يبقى شاطر وكريم ومضياف وجدع وكل حاجة، بس (سوسة) فيه الطبع الوحش ده.. يا دوب تديله ضهرك، يسب ويلعن ويطعن فيك (بالذات قدام عدوك).. وتسأل نفسك: "الله.. هو إحنا مش كنا صحاب وحبايب من ٥ دقايق؟!!".. إنه زمن (البيزنيس) والمصالح يا عزيزي.. ولا عزاء للمبادئ والمشاعر الإنسانية النبيلة!!

#محمود_عبد_الله (هاشتاغ)       Dr_Mahmoud_Mohammad_Sayed_Abdallah#          

---

اشترك في قناة ‫«الحوار المتمدن» على اليوتيوب
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين	حوار مع الكاتبة السودانية شادية عبد المنعم حول الصراع المسلح في السودان وتاثيراته على حياة الجماهير، اجرت الحوار: بيان بدل

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل

كيفية إشراك-إيصال مواضيعكم أو مواضيع تهمكم  إلى اكبر عدد ممكن من القراء والقارئات