جميلة شحادة
الحوار المتمدن-العدد: 6637 - 2020 / 8 / 5 - 17:41
المحور:
الادب والفن
ليلْ وسَهَرْ في بيروتْ
عَتمي وقمرْ في بيروتْ
غُرْبي ع شَطِّكْ
واحْجارْ منْ ياقوتْ
ومَراكبْ تِنْدَهْ ع البَحَّارَه
وصَدى النِدا مْنِ القَهِرْ مكبوتْ
***
توبِكْ الأبيضْ بيروتْ ما تِخْلَعي
عروسةِ الفرسانْ ضَلِّي تْدَلّعي
غَنّي وصوتِكْ إرفَعي
بوِجِّي اللي دَمَرّوا البيوتْ
**
بيروتْ مهرِكْ عَ الغريبْ غالي
عِزِّة وكَرامي وحفْنِةْ أماني
ما تقبلي بالغدِرْ يا بيروت
ولوْ كانِ الدَّهبْ تَمَنِ السِكوتْ
**
بكرا اولادِكْ بِكْبرو
وع الحِّلمْ بيُوعو يِسْهرو
تا يِرْجَعو يُرُشُّو الوردْ
ع بلدْ ما بيموتْ
**
شِدِّي حيلِكْ يا بلدْ
وِآخيي بينْ البنتْ والولدْ
بالوِحدة عيشي يا بيروت
وخلِّي هالشِعارْ بالفِكِرْ منحوتْ
*******************
الناصرة
5.8.2020
#جميلة_شحادة (هاشتاغ)
كيف تدعم-ين الحوار المتمدن واليسار والعلمانية
على الانترنت؟