بنت الزبال

فؤاد أحمد عايش
رئيس مبادرة الجسر الثقافي العالمي _ GCB
(Fouad Ahmed Ayesh)

الحوار المتمدن-العدد: 6546 - 2020 / 4 / 25 - 01:41
المحور: مقابلات و حوارات
    

ما قالتهُ الدكتورة التي تعرضت لجرح الكثيرون ولكن بصبر نالت ... "ولا تقنطوا من رحمة الله"
استاذة طب الأعصاب بجامعة حلب
د. رولا الأبيض...قالت :-
( بنت الزبال ) هيك كانوا ينادوني بالمدرسة ، بالحارة بكل مطرح ، نسيوا اسمي وصاروا ينادوني بنت الزبال
أبي كان عامل بالبلدية وكنا ساكنين ببيت بسيط بمنطقة بسيطة اسمها "نبعة" ما كنا ناكل زبالة متل ما كان ينحكى علينا كنا عيلة متل أي عيلة نطبخ ونسهر ونضحك سوا ،،، تلات صبيان وبنتين أنا أكبرهم
بالمدرسة ما التفتوا لشطارتي وتفوقي ، شافوني بس بنت الزبال ، بالصف قلال كتير الي يحكوا معي وكتار منهم يخجلوا يقعدوا حدي أو يمكن يقرفوا بيفكروني ما بتحمم أو ريحتي زبالة
ولما سألتني المعلمة شو حلمك بس تكبري ردت بنت ورايي وقالت حلمها تلم الزبالة وضحكوا كلهم بس أنا بكيت ، ضمتني معلمتي لصدرها وهمست بأذني لا تزعلي ولا تخجلي من شغل أبوكي
من زمان أبي كان يشتغل ناطور بناية ويشطف الدرج ويلم التياب القديمة ونلبسها ونفرح فيها كمان
كوني قوية اي رح كون قوية هيك قررت ما رح اضعف وما رح خلي حدا يضحك عليي
علمت اخواتي يكونوا أقوى مني ، علمتهم انه لازم ما نضعف وما نسمح للزمن يكسرنا ، مرت سنين طويلة ونجحت بالبكالوريا وتفوقت والحمد لله ودخلت كلية الطب وهون تغيرت صاروا ينادوني إجت الدكتورة وراحت الدكتورة
حسيت إني عم طير ، فرحت بحالي وكأني كسرت كل شي كان قاهرني كل الي ضحكوا عليي اجى وقت واحتاجوني والله بيعلم اني ما قصرت بحق حدا منهم
كبرت وكبرو اخواتي تغيرت الأحوال وأبي ما عاد بحاجة يشتغل ، غيرّنا بيتنا وضلينا ايد واحدة ، اخواتي الشباب اثنين مهندسين والتالت عم يدرس طب أسنان واختي بكلية الصيدلة ، تزوجت وصار عندي ولدين واخواتي منهم خاطب ومنهم متزوج الله يوفقهم بعمرهم بس ما ممكن ننسى انه بيوم من الأيام كان اسمنا ولاد الزبال
أبي يللي كانت هالكلمة تدبحه اكتر منا بس نحنا ما نسينا فضله ولا خجلنا فيه ،،، المهم ربانا عاللقمة الحلال ، أبي الي بكي وقت قلتله ما حدا عم يقبل يقعد جنبي بالصف
علموا أولادكــم يكونوا حناين ولا يقسوا قلوبهم إذا الزمن قاسي

#فؤاد_أحمد_عايش (هاشتاغ)       Fouad_Ahmed_Ayesh#          

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل