تبرعاتكم وتبرعاتكن المالية تحفظ استقلال الحوار المتمدن، فشاركونا في دعم استمرارية هذا الفضاء اليساري الحر

سم وزهر...

عادل الفتلي

الحوار المتمدن-العدد: 5092 - 2016 / 3 / 3 - 15:33
المحور: الادب والفن

الى/ كل من شارك في سرقتنا وصادر حقوقنا .....
وي كل مصباح وكل طلعة شمس
وي كل ليلة الظهر بيهه كَمر والماظهر...ببطونكم سم وزهر
وي دمعة كل يتيم ابمدرسة
شاف والد صاحبة لابنه انتظر...ببطونكم سم وزهر
وي دمعة كل يتيمة سمعت امها
تنعى وإتذكرت ابوهه وحيل خاطرهه انكسر...ببطونكم سم وزهر
وي كل حسرة كَلب ام انفجع
وإبوايس ابنه يرجع ومات سكته من القهر...ببطونكم سم وزهر
وي كل شهكَة نفس
وبعدد انفاس البشر...سم وزهر
وبعدد حبات الرمل وكَطرات المطر...سم وزهر
وبعدد ذرات الهوى واوراق الشجر...سم وزهرنة
بكَلب كلمن باكَنة وهج وطفر ...سم وزهر
والاكل من زادنة وباع ونكر ...سم وزهر
والصعد باجتافنة وبينة كفر... سم وزهر
لكل سياسي ملطلط نكَلة ولك
مو جنت دايح يبن سير النعال وهسة صرت استاد وتحكم جم نفر...سم وزهر
وي كل مصباح وكل طلعة شمس
وي كل ليلة الظهر بيهه كَمر والماظهر...ببطونكم سم وزهر
وي دمعة كل يتيم ابمدرسة
شاف والد صاحبة لابنه انتظر...ببطونكم سم وزهر
وي دمعة كل يتيمة سمعت امها
تنعى وإتذكرت ابوهه وحيل خاطرهه انكسر...ببطونكم سم وزهر
وي كل حسرة كَلب ام انفجع
وإبوايس ابنه يرجع ومات سكته من القهر...ببطونكم سم وزهر
وي كل شهكَة نفس
وبعدد انفاس البشر...سم وزهر
وبعدد حبات الرمل وكَطرات المطر...سم وزهر
وبعدد ذرات الهوى واوراق الشجر...سم وزهرنة
بكَلب كلمن باكَنة وهج وطفر ...سم وزهر
والاكل من زادنة وباع ونكر ...سم وزهر
والصعد باجتافنة وبينة كفر... سم وزهر
لكل سياسي ملطلط نكَلة ولك
مو جنت دايح يبن سير النعال وهسة صرت استاد وتحكم جم نفر...سم وزهر
ومشكولة ذمتك يانذل
وكل فلس ابطنك نزل سم وزهر
هناك ابجهنم وانكتب باسمك ولك
ومختوم من وادي سقر....سم وزهر
ينزل على الكليات يمردهن مرد
ونار بمثانيك تشب تعصر محاليبك عصر...سم وزهر
وماينزل درارك ابد
محبوس يبقى ومنحصر ...سم وزهر
وماي التشربة بي تغص وتلجم
واللكَمة بالزردوم تحشر ماتمر...سم وزهر
ومنفوخة بطنك دوم وحبلة بورم
تحتار بيهه الاشعة ويدوخ بيهه المختبر...سم وزهر
ويندار فجك كون بشرجي وينضرب
وحلكَك دواه انعال اصلي ومعتبر...سم وزهر
ويصيبك جرب وتخيس وتكَب ريحتك
ومحد يجهبك من بعد كيلو متر...سم وزهر
والطب يأيس منك ومالك دوة
وحتى ابو الاعشاب عزَل واعتذر...سم وزهر
ابختك عساهه تصير وعرضك ينفضح
وعالعاجل يبشروك ماينظم خبر...سم وزهر
بدعوة دعارة ولوط مرتك تنلزم
وي الشرطي والشوفير وحارسهه الخفر...سم وزهر
وبنتك نهيبة تروح وسترك ينهتك
وعلج عرضك يبقى بحلوك البشر...سم وزهر

#عادل_الفتلي (هاشتاغ)

ترجم الموضوع إلى لغات أخرى - Translate the topic into other languages

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.

اشترك في قناة ‫«الحوار المتمدن» على اليوتيوب
حوار مع الكاتبة انتصار الميالي حول تعديل قانون الاحوال الشخصية العراقي والضرر على حياة المراة والطفل، اجرت الحوار: بيان بدل
حوار مع الكاتب البحريني هشام عقيل حول الفكر الماركسي والتحديات التي يواجهها اليوم، اجرت الحوار: سوزان امين

كيف تدعم-ين الحوار المتمدن واليسار والعلمانية على الانترنت؟

تابعونا على: الفيسبوك التويتر اليوتيوب RSS الانستغرام لينكدإن تيلكرام بنترست تمبلر بلوكر فليبورد الموبايل