عادل عياد
الحوار المتمدن-العدد: 5057 - 2016 / 1 / 27 - 23:02
المحور:
الادب والفن
أنا مش ملاك أنا بشر
صورة إنسان مش زي القمر
مجنون زي الغجر
وبحب أجري تحت المطر
أمسك بإيدي الخطر
أعيش الحياه زي الهرم
أو اموت ...
أنا لما أقع في الحب
ما يعبرش عنه مليون شعر
شجره بتشيل فروعها وتحارب
عصفوره تقفل البيبان وبعدين توارب
والحياه عندي دايماً بتغير القواعد
رسام سوريالي يتوه في خيالي
ويخاف الواقع من أحلامي
الشيء الضايع في الدنيا لما بيعرفني
يطلعله سواعد
ملح حياتي بيتحول سكر
والميه مني تخليك تسكر
شامم ريحة الحياه في كلماتي ؟!
العيون بترتاح لما تلمس طيفي
والوقت الممل بقتله بسيفي
والصيف تحديداً ياما استمتع بحكاياتي
" شمس " كانت تذكار الحياه ليا
ومعاها سما ونجوم وبحر وقمر
عرفت ازاي اتمتع بيهم
أنا يا صديق ..
شخصيه خياليه تايهه في الكون
بارسم على النجوم بميت لون
عيش الحياه لغاية ما يفاجئك الموت
ولو هتعيش للأبد
لأحلامك كون ..
كون ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟