الحياه ملهاش إعاده

عادل عياد

الحوار المتمدن-العدد: 5041 - 2016 / 1 / 11 - 21:31
المحور: الادب والفن
    

وسط صخور الحياه المعاده
وسط دروب الملل وفقدان السعاده
منتصف عمر روحي
اكتفت الروح بنصه
فاختار جسدي وروحي الإباده

طريق الروح مليان بالندم
والروح دعت واتمنت تعيش حياه تانيه
حياه بتبدأ من جديد
سمعت الصوت البعيد :
هيكون ليكي جسد تاني تعيشي ليه أسيره ..
وان حاولتي تبيني المعرفه القديمه
هترجعي نفس الطريق ...

مرت الطفوله نفس الطفوله
والصبا هو الصبا
والشباب نفس الشباب
مراحل ومرت بنفس التفاهه
اللامبالاه
الكسل
والحزن المميت
نفس الشيء
ومفيش جديد
رجعت لنفس البدايات
نفس اليأس
نفس العمر

كان واضح للي عايز يعيش الحياه
إنه لازم يبدأها من اللحظه دي
وإن اللي قال " قول للزمان ارجع يا زمان "
كان في غاية البلاده
لأن الحياه لازم تتولد كل يوم من جديد

نصيحه متجربه :-

قدم دعوه للحياه
عيش حتى الذكريات بشكل تاني
ماتترحَمْشي على ضحكه من زمن فات
هى الدنيا كده
بتسافر في الحزن
وترجع أول ماتبتسم
اخلق الفرحه من جديد
وخلي البسمه تفضل تزورك دايماً
صدقني هتتبسط ...

الحياه ملهاش إعاده
إضحك ضحكه وخليها بالنسبالك ولاده
عيش عيشه ملهاش نهايه
إكسر كل حاجه بتعاندك
وخلي اللحظه دي البدايه
حطم توابيت أوهامك
صدقنى هتنتصر ...

#عادل_عياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل