عادل عياد
الحوار المتمدن-العدد: 4987 - 2015 / 11 / 16 - 08:35
المحور:
الادب والفن
هو كان ..
محتاج قمر
ينور للي اتقتل
للي تاه وسال من كتر السؤال
للي فاكر إن الروح بتطير
وهو أصلاً شنق روحه
محتاج لشمس تدفي الأحلام
وتخلي للوقت معنى في الأيام
ومهما يحكي ويتحاكى
تكون كاتمه للأسرار
محتاج للهوا
يمكن يكون الدوا
لنفسه اللي ملهاش غير في البكا
روى حواديت قلبه لعقله
لحد ما جسده ارتوى
محتاج أرض تجمع الرمل
اللي اتبعتر جوا العقل
فتكون نفسه لنفسه مأوى
وفتافيته اللي متطايره في الفراغ
ترجع تلم الشمل ...
#عادل_عياد (هاشتاغ)
كيف تدعم-ين الحوار المتمدن واليسار والعلمانية
على الانترنت؟