لمس الأشباح

عادل عياد

الحوار المتمدن-العدد: 5000 - 2015 / 11 / 29 - 19:12
المحور: الادب والفن
    

ساكن أنا جوه نفسي
وحياتي مسكونه بأشباح من وهمي
الإسود لوني المفضل
وبرغم كرهي ليه
من أول ما اتولدت وهو مصاحبني
( ممكن نتبادل !! )
فكري يشرد بعيد ..
أنا ليه بشوف الناس بإديا
ليه قلبي بتتحرك مشاعره
على أصوات ملهاش معنى
..
لما بلمس أي حاجه
تتبني في عقلي أشكال صنعها خيالي
ياخدني صوت موجه في بحر الحياه
فيتهز كياني بالكامل
أسافر بسفينتي وانا ممدد تحت شجرة توت
بس السفينه دايماً بتاخدها العواصف فتغرق
ليه؟؟؟
ياما سألت ليه أنا
واتخانقت مع الأنا
يمكن في يوم تقر بالحقيقه
لكن حقيقتي للأسف
دايماً بتيجي مزيفه
- ياعم ياللا اتغطى ونام
- طب هو الوقت دلوقتي.. الصبح وللا بالليل ؟
- ومين انت وعايز إيه ؟
- الشمس صاحيه وللا غابت على ملايين ؟
ملايين زيي أنا ملهمش غير كلب يصاحبهم !!
..
اسمَع ضحكات شريره بتهز حواليا المكان
وانا مش عايز غير الأمان
بس هما اللي عايزين يخطفوا مني الحاجات
كل الحاجات!!
وكأن ليهم فيا كل حاجه
ما عدا الأحزان
..
سنين عمري عشتها تحت الشمس غيباً
و بحب نفسي أوي وبعيش ليها ديماً
واكره اللي بيفتكرني قطعة أثاث في البيت
أو زي أي حاجه متعلقه على حيط
أو شبه أي حاجه مرميه
كانت حياتي قصه
من كلمه واحده ..
مش شايف .

#عادل_عياد (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل