أصفن بيج والبيچ يتصفن

نوزاد نوبار مدياتي

الحوار المتمدن-العدد: 5044 - 2016 / 1 / 14 - 17:48
المحور: الادب والفن
    

أشمج سوالف بحجولها حجول
يلالن الغبشة وع السِكر يتوجن
سوالف تين بشِجرة مهجور
كاضاته السعف وبضلة يدَّفن
يا شبر المسافة من لخصر للعين
معزوفة الأصابع وبيج يتغنّن
بحظرة غيابج كل السوالف أطيح
أغم ذاك الگلب كل مرة يّدَشْن ؟
أنساج ودري بروحي ناسيج
و تنساج السوالف وينسون يتذكرن ،،
شلون الضفاير من أعكدها وياج
الشفة شلون من الكحل تتمكن
من جرة العين و الچفن خدران
غشيم و ع الصدر شلون يتفرعن ؟!
وشلون قصتنة كتبوها نسوان
قال وقيل وقالو و قلّنن ،،، !
هواية سوالف نلعبها طفيران
يعني ؛
أشبگ عليج ، وعليّ يتشبگن !
سوالف بعد هواي عندي وياج
عل جتاف الگمر من جان يتمسكن
من جان الصبح نكضي صفنات
و أصفن بيج ،،، وال بيج يتصفّن
يروج الشوگ هلبت تطيح الروح
و ثوب المعاند هم بيج يتخلگن ؟
هم بيج نرجع نخيط جروح !
اجرحج وكول جروحي أنجرحن ؟
لو أرجع أسولف سوالف العشاگ
لابس الشوگ و بالهجر اتفنن !!
لابس الشوگ وبالهجر اتفنن !!

#نوزاد_نوبار_مدياتي (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

اشترك في قناة ‫«الحوار المتمدن» على اليوتيوب
في رحيل جليل شهباز، عضو هيئة إدارة الحوار المتمدن	في رحيل شاكر الناصري، أحد مؤسسي الحوار المتمدن

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل