نوزاد نوبار مدياتي
الحوار المتمدن-العدد: 4120 - 2013 / 6 / 11 - 17:30
المحور:
الادب والفن
حنيت انه جفوف الفرح
وسولفنا بأيام العشگ
وصاحت جروح من الملح
و ريل الهوة مر مختنگ ؟
على شفة نزرع بس صور
صورة شعر لحب محترگ
مرت على سنين الزعل
هيل وقطار وحنة وشرگ
من كاع تخضر بس ملح
وشمات تتمنى الرشگ
هلبت يجي ؟
لا مايجي ؟
سوالف على جتاف الگمر
مجنون يل منك خبر ؟
سولف بعد وأخذ الصدگ
مسودن ويهذري بخلگ
هلبت يجي ؟
لا ما يجي ؟
من شفته بس ردت الحلگ
ناذر عمر من يقترب ؟
ازرع وطن بحب مغترب !
و ازرع عسل وهيل وشكر
وزرع شمس بيها قهر
وزرع ورد
وزرع غصن
وزرع غزاله من السهر !
وزرع الج كومة مهر
وزرع الج حب وانتحر
هلبت يجي ؟
لا مايجي ؟
صاحن جروحي من النذر
و بزنودي شديت العلگ !
حنيت انه جفوف الفرح
وسولفنا بأيام العشگ !
#نوزاد_نوبار_مدياتي (هاشتاغ)
كيف تدعم-ين الحوار المتمدن واليسار والعلمانية
على الانترنت؟