سليمة و خلف ....وكارينا الفليبينية

علاء ورد حسين

الحوار المتمدن-العدد: 5027 - 2015 / 12 / 28 - 03:42
المحور: كتابات ساخرة
    

خلف و سليمة ...وكارينا الفليبينية
بقدرة قادر ...تغيرت امور خلف العربنجي من سايق عربانة بالشورجة ..... الى ملاج صاحب بيوت بنص الجادرية والكرادة .. صار ينزل من اللاندكروز نوع ليلى علوي ويصعد بالجكسارا .....
الناس اختلفت حول اسباب ثروة خلف المفاجئة ....قسم يكولون حواسم مال البنك_المركزي بالفرهود مال 2003 ...و قسم يكولون حواسم مال المتحف_العراقي و ناس تكول يشتغل بالتزوير و يسرق بيوت المسيحيين بمساعدة المليشيات...
في البيت ... سليمة ام العروك زوجة خلف العربنجي اتعدلت امورها ....صارت تروح صالات رشاقة بعد ما كانت تبيع خبز تنور ....و تروح الى بيروت تسوي عمليات شد و نفخ بعد ما كان اقوى امنياتها تروح للحفافة لو تزورالصالون .... سليمة تعبت من شغل البيت ... وطلبت من خلف يجيبلهم خدامة تساعده .... اقل من اسبوع واجت الخادمة الفليبينية ...اسمها كارين ..... سليمة صارت تعتمد على كارين بشغل البيت و الطبخ والكنس والمسح ....و من تصير مناسبة تاخذها وياها لان تحب تتعيقل امام باقي النسوان ..سليمة تخّلي كارين تشتغل باسمها للناس ....كارين تطبخ بالاعراس.... كارين تطبخ بالفواتح .....يوم بعد يوم كارين صارت معروفة من العشيرة ...والناس تطلبها بالاسم ...كل واحد من العشيرة تصير عنده مناسبة ..يسال على كارين قبل ما يسال على خلف العربنجي و و مرته سليمة ام_العروكَ ..... يوم من الايام جانت سليمة رايحة البيروت تسوي عملية تبييض و تضييق ...حتى تصيرحلوة بعين خلف ....بنفس الوقت صار عرس مال اقرباء خلف ....خلف صّعد كارين وراحوا بالجكسارا ....كارين جانت اربعينية حليوة وناعمة و ابيضانية و عطرها يفحفح و صدرها بارز وشعرها سرح و اسود نازل على عنق ابيض مثل المرمر ...
بعد اسبوع .....رجعت سليمة من بيروت ...استغربت من شافت البيت فارغ ....اتصلت على زوجها ....وينك خلف ...... ؟ جاوبها خلف ــــ اني يم عمامي اهل كارين في مانيلا عاصمة الفلبين

#علاء_ورد_حسين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل