سلمان ....هيثرو - بغداد

علاء ورد حسين

الحوار المتمدن-العدد: 4664 - 2014 / 12 / 16 - 00:57
المحور: كتابات ساخرة
    

الساكنون في الوطن ....رغم كل شيء محسودين ...... محسودين من الذين ابتعدوا عن الوطن قسرا .... وخوفة من عجلة الموت الرهيبة التي لا تترك احدا
سلمان .... من التسعينات ترك العراق .. وترك بغداد ..راح عاش في مدينة الضباب .. لندن .....صار عمره 41 سنة.....ما متزوج .كَضاها طربكَة ...نسوان ومشروب .... ..اخذه الحنين للوطن ....كل يوم كان يتذكر شارعهم و سوالف شارعهم... حتى تراب العراق صار حسرة عليه .....اتصل على اخته
سلمان ــــ شلونج خيتي
الاخت ــــ ها دادة شبيك ؟ ...شو مو على بعضك
سلمان ـــــ ضجت من كل شي هنا ...باردة ... ماكوا حياة ...اشتاقيت لاهلنه ... ماكوا واهس لكل شي ..و الحمزة
الاخت ـــــ احنه عايشين بموت كل ساعة ..متعرف انفجارات لو مليشيات ......وين تريد تروح بعد ..؟
سلمان ـــــ قررت ارجع لو تمطر صواريخ بالعراق ....
قفل الخط .... اتصل على الشركة حجز تكت مرجع بغداد - لندن ...الانطلاق من مطار هيثرو ...... حان موعد الرحلة ..حضر الجنط ..ما نسى الهدايا للاهل والاقرباء.... و انطلق للمطار ...
مطار هيثرو من اكبر مطارات العالم .... في صالة المطار ...ر .شاف الوجوه اللي جاية على طيارة بغداد ..عرف وجه مو غريب عليه ....تذكره ....هذا دكتور محمد ...مدير مستشفى بالعراق ...كان يعرفه شخصيا ...ركض عليه ...الدكتور بحلق عليه ..
سلمان ــــ شلونك دكتور حمدلله عالسلامة...عرفتني اني سلمان صديقك جنه نكَعد سوة بمطعم الطاحونة الحمراء ...بالكرادة عالبرة
الدكتورــــــ لك هلوووووووووووو سلمان شلونك اغاتي...حلاتها على ذيج الايام ..و الله انهزمت من العراق ...الاوضاع مو زينة و الخطف بفلسين بنص بغداد ...شنو رايح لو جاي ........؟
سلمان ـــــ اني رايح البغداد ...اشتاقيت لتراب الوطن
الدكتور ــــــ تريد تراب الوطن.... اني هسه اوفرلك تراب الوطن ...
الدكتور كَنبص .... ونزع حذائه ... طلع تراب الطكَاكَية مال الحذاء .... وانطاه السلمان ......هذا تراب الوطن ...

#علاء_ورد_حسين (هاشتاغ)      

---

ترجم الموضوع إلى لغات أخرى - Translate the topic into other languages

---

الحوار المتمدن مشروع تطوعي مستقل يسعى لنشر قيم الحرية، العدالة الاجتماعية، والمساواة في العالم العربي. ولضمان استمراره واستقلاليته، يعتمد بشكل كامل على دعمكم. ساهم/ي معنا! بدعمكم بمبلغ 10 دولارات سنويًا أو أكثر حسب إمكانياتكم، تساهمون في استمرار هذا المنبر الحر والمستقل، ليبقى صوتًا قويًا للفكر اليساري والتقدمي، انقر هنا للاطلاع على معلومات التحويل والمشاركة في دعم هذا المشروع.
 

كيف تدعم-ين الحوار المتمدن واليسار والعلمانية على الانترنت؟

تابعونا على:

الفيسبوك

التويتر

اليوتيوب

RSS

الانستغرام

لينكدإن

تيلكرام

بنترست

تمبلر

بلوكر

فليبورد

الموبايل